ჩუღურეთის რაიონში, ივერთუბნის დასახლებაში საგზაო ინფრასტრუქტურის მოწესრიგება დაიწყო. 4800 მ2 ფართობის აგიაშვილის ქუჩაზე ასფალტის ორფენიანი საფარი დაიგო.

მერიის ინფორმაციით, სამუშაოებს ჩუღურეთის გამგებელი ზურაბ ჩიკვილაძე და რაიონის მაჟორიტარი დეპუტატი საკრებულოში რიმა ბერაძე ადგილზე გაეცნენ.

„ივერთუბანი ახალი დასახლებაა, სადაც საგზაო სამუშაოები ინტენსიურად მიმდინარეობს. ჩუღურეთის რაიონის გამგეობა აპირებს, საგზაო ინფრასტრუქტურა ეტაპობრივად მოაწესრიგოს ყველა იმ ქუჩაზე, სადაც წყალსადენისა და წყაალრინების სისტემის გამართვა დასრულებულია. ჩემთვის გასაგებია ის დისკომფორტი, რაც შეიძლება ამ პროცესს ახლდეს და მინდა მოსახლეობას მოთმინებისკენ მოვუწოდო“, - განაცხადა ზურაბ ჩიკვილაძემ.

საგზაო სამუშაოების დაწყებამდე, აგიაშვილის ქუჩაზე კომპანია „ჯორჯიან უოთერ ენდ ფაუერმა“ წყალმომარაგების სისტემა მოაწყო. კომუნიკაციების მოწესრიგების შემდეგ კი, აღნიშნულ ქუჩაზე საგზაო ინფრასტრუქტურის მოწყობის სამუშაოები დაიწყო.

აგიაშვილის ქუჩაზე სამუშაოების დასრულების შემდეგ, საგზაო ინფრასტრუქტურის მოწყობა ჯორჯაძის ქუჩაზე გაგრძელდება.

ჩუღურეთის რაიონის გამგეობის დაკვეთით, სამუშაოებს კომპანია „ბი ემ სი‘‘ ასრულებს. პროექტის  ღირებულება 280 000 ლარია.

(NS)

ავტორი: ,

სოციალური ქსელები

დასავლეთ საქართველოში მოსალოდნელია ძლიერი ნალექი, ქარბუქი, შტორმი - სააგენტოს გაფრთხილება

საქართველოს ბანკმა ბიზნესისთვის ფინანსური მიმზიდველობის თემაზე ვორკშოპი გამართა

ნარმანია - ბუნებრივ აირზე უფრო მაღალი ტარიფი შეიძლება დადგინდეს მაღალი მოხმარების ოჯახებისთვის

გამოძიება- ახალგაზრდა ორბანი საიდუმლო სამსახურების ინფორმატორი იყო, მისი მხილებები, სავარაუდოდ, მოსკოვში მიდიოდა