„ევროკავშირის წევრობა კარგია, მაგრამ საქართველომ ჯერ საშინაო დავალება უნდა შეასრულოს“,-ამის შესახებ ესტონეთის პრეზიდენტმა ტოომას ჰენდრიკ ილვესმა ქართველ კოლეგასთან ერთად გამართულ პრესკონფერენციაზე განაცხადა.

მისივე თქმით, ესტონეთი ევროდემოკრატიის მომხრეა, თუმცა საქართველომ უნდა გაითვალისწინოს, რომ საჭიროა საკანონმდებლო ბაზის ჰარმონიზაცია ევროპულ კანონმდებლობასთან.

„რუსეთის განცხადებას ყურადღებას არავინ აქცევს. სამიტის შედეგები პოზიტიური იყო.იმისათვის, რომ თქვენ შეფასების მეორე ფაზაზე გადახვიდეთ, ჯერ ტექნიკური საკითხების მოგვარებაა აუცილებელი.წლის ბოლოს მიღებული იქნება გადაწყვეტილება ვიზალიბერალიზაციის საკითხთან დაკავშირებით.თუმცა ამის შემდეგ საჭიროა დრო იმისათვის, რომ გადაწყვეტილების იმპლემენტაცია მოხდეს.კარგია ევროკავშირის წევრობა, გეყოლებათ უამრავი მეგობარი, ვინც დაგიცავთ და ა.შ. მაგრამ საქართველომ ჯერ საშინაო დავალება უნდა შეასრულოს ამისათვის. ჩვენ ვართ ევროდემოკრატიის მომხრენი, მაგრამ მეორეს მხრივ ქვეყანამ უნდა გაითვალისწინოს რომ საჭიროა საკანონმდებლო ბაზის ჰარმონიზაცია ევროპულ კანონმდებლობასთან. მინდა გითხრათ, რომ ესტონეთმა 1995 წელს მოაწერა ხელი ადოცირების შეთანხმებას, თუმცა ევროკავშირში მხოლოდ 2004 წელს გავერთიანდით. ასე რომ, ეს გრძელი პროცესია.მართალია, რუსეთი არ სცემს პატივს სხვა ქვეყნებს, მაგრამ მისი პოზიცია არ არის იმდენად ძლიერი, რომ ჩვენ უკან დავიხიოთ“,-განაცხადა ტოომას ჰენდრიკ ილვესმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ძმებ ფეიქრიშვილებზე: გამოძიება დაადგენს, მათ შორის, ციხის ადმინისტრაციის შესაძლო როლსაც

კობახიძე - გიორგი ნემსაძის გარდაცვალება უდიდესი დანაკარგია ქართული ფეხბურთისთვის

ნაკრების ყოფილი კაპიტანი გიორგი ნემსაძე 54 წლის ასაკში გარდაიცვალა

საკონსტიტუციო სასამართლოს სხდომიდან გააძევეს ხატია დეკანოიძე - ივანიშვილის დაკითხვის შუამდგომლობა არ დაკმაყოფილდა