შინაგან საქმეთა სამინისტროს სასაზღვრო პოლიციის ვერტმფრენის ავარიულად დაშვების შედეგად დაშავებულების სიცოცხლეს საფრთხე არ ემუქრება.

როგორც „ექსპრესნიუსს“ თელავის რეფერალურ საავადმყოფოს დირექტორმა ხათუნა ჯონიაშვილმა განუცხადა, ამ დროისთვის საავადმყოფოში სულ ორი პაციენტია შეყვანილი, მათგან ერთ-ერთს გადაუდებელი ოპერაცია უტარდება.

ჯონიაშვილის განცხადებით,  საავადმყოფოში  სხვა დაშავებულებსაც ელოდებიან.

„ამ დროისთვის ორი პაციენტია შემოყვანილი. ერთს აქვს მუცლის ღრუს ტრავმა და გულმკერდის ტრავმა. ის საოპერაციო ბლოკში იმყოფება. რაც შეეხება მეორე პაციენტს,  მას გულმკერდის მრავლობითი ტრამვა აქვს. ორივე კონტაქტურია და მათ სიცოცხლეს ამ ეტაპისთვის საფრთხე არ ემუქრება.  სხვა დაშავებულებსაც ველოებით, თუმცა მე როგორც მითხრეს მათ მსუბუქი დაზიანებები აქვთ“, - აცხადებს თელავის რეფერალური საავადმყოფოს დირექტორი ხათუნა ჯონიაშვილი.

ცნობისთვის,  შინაგან საქმეთა სამინისტროს სასაზღვრო პოლიციის ვერტმფრენმა თელავის რაიონის სოფელ ართანასთან ავარიული დაშვება განახორციელა. როგორც „ექსპრესნიუსს“ შსს-დან აცნობეს, ავარიული დაშვების შედეგად ვერტმფრენში მყოფი პირები დაშავდნენ.

ავტორი: ,

სოციალური ქსელები

ევროპარლამენტში მუშაობა 1 წლით სამთავრობო „რუსთავი 2“-სა და PosTV-საც აეკრძალათ -კშიშტოფ ბრეიზა

შშმ არასრულწლოვან გერსა და ცოლზე ძალადობის, იძულების და მუქარისთვის 1 პირი დააკავეს

ექიმების განცხადება: მოვუწოდებთ სახელმწიფოს, შეიმუშაოს იშვიათი დაავადებების მართვის მკაფიო პოლიტიკა

კიევის სასამართლომ ფულის გათეთრების საქმეზე უკრაინის პრეზიდენტის ადმინისტრაციის ყოფილი ხელმძღვანელი, ანდრეი იერმაკი დააკავა