კახიშვილი: გავაძლიერებთ კოორდინაციას, რომ ის სიკეთე, რაც დაგეგმილია, მოსახლეობამ მოკლე დროში მიიღოს

2018-07-12 10:15:16, 713 ნახვა

კომენტარი

„ჩვენ მთავრობის ადმინისტრაციიდან მაქსიმალურად გავაძლიერებთ კოორდინაციას იმისთვის, რომ ის სიკეთე, რაც დაგეგმილია, მოსახლეობამ ძალიან მოკლე დროში მიიღოს“, - ამის შესახებ მთავრობის ადმინისტრაციის ახალმა ხელმძღვანელმა კახა კახიშვილმა განაცხადა.

როგორც მან აღნიშნა, უწყებებში ძირეული რეფორმები განხორციელდება.

„უწყებებში იწყება და ზოგ შემთხვევაში დაწყებულია ძირეული რეფორმები, მაგრამ ამავდროულად, მოსახლეობას სჭირდება სწრაფი ეფექტი. ამიტომ, ჩვენ მთავრობის ადმინისტრაციიდან, პრემიერ-მინისტრთან და მთავრობის წევრებთან ერთად, მაქსიმალურად გავაძლიერებთ კოორდინაციას იმისთვის, რომ ის სიკეთე, რომელიც დაგეგმილია, ძალიან მოკლე დროში მიიღოს მოსახლეობამ“, - განაცხადა კახიშვილმა.

ცნობისთვის, კახა კახიშვილმა, რომელიც ამ დრომდე სასჯელაღსრულების მინისტრის პოსტს იკავებდა, მთავრობის ადმინისტრაციის უფროსის თანამდებობაზე შალვა თადუმაძე შეცვალა. რაც შეეხება თადუმაძეს, ის გუშინ საპროკურორო საბჭომ მთავარი პროკურორობის კანდიდატად აირჩია.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები