მამუკა ბახტაძე: დარწმუნებული ვარ, თადუმაძე ღირსეულად გაართმევს თავს ამ დიდ პასუხისმგებლობას

2018-07-11 18:22:05, 802 ნახვა

კომენტარი

პრემიერ-მინისტრი მამუკა ბახტაძე საპროკურორო საბჭოს მიერ მთავარი პროკურორის კანდიდატად შალვა თადუმაძის არჩევას გამოეხმაურა.

პრემიერის შეფასებით, შალვა თადუმაძე აღნიშნულ თანამდებობას თავს კარგად გაართმევს. მან შერჩეულ კანდიდატს წარმატებები უსურვა:

"დღეს საპროკურორო საბჭომ ფარული კენჭისყრით მთავარი პროკურორის თანამდებობაზე წარსადგენად შეარჩია შალვა თადუმაძე. თადუმაძე ჩემი შეფასებით პირველ რიგში არის უაღრესად კეთილსინდისიერი და ძალიან პრინციპული ადამიანი. ის ბოლო პერიოდში მთავრობის ადმინისტრაციის უფროსი იყო, მანამდე კი, 2012 წლიდან მოყოლებული საპარლამენტო მდივანი იყო და უმნიშვნელოვანესი რეფორმების განხორციელებისთვის შესაბამისი საკანონმდებლო პროცესების უშუალო მონაწილე გახლდათ. ის სარგებლობს ძალიან მაღალი რეპუტაციით, როგორც პროფესიულ ასევე სამეცნიერო წრეებში. მინდა მას ვუსურვო პარლამენტში წარდგენის და დამტკიცების პროცესში წარმატებები და დარწმუნებული ვარ, რომ ის ღირსეულად გაართმევს თავს ამ ძალიან დიდ პასუხისმგებლობას", - განაცხადა მამუკა ბახტაძემ.

ცნობისთვის, საპროკურორო საბჭომ მთავარი პროკურორობის კანდიდატად შალვა თადუმაძე აირჩია.