საქართველოს პრეზიდენტის საპარლამენტო მდივანი ანა ნაცვლიშვილი აჭარის მთავრობის მეთაურის გადადგომის შემდეგ ,,აჭარის ავტონომიური რესპუბლიკის შესახებ" კონსტიტუციური კანონითა და „აჭარის ავტონომიური რესპუბლიკის კონსტიტუციით" განსაზღვრულ სამართლებრივ პროცედურებს განმარტავს.

როგორც ნაცვლიშვილმა აღნიშნა, პრეზიდენტი გიორგი მარგველაშვილი კანონმდებლობის შესაბამისად იმოქმედებს.

„კონსტიტუციური კანონით, მთავრობის მეთაურის გადადგომის შემთხვევაში, მთავრობას უწყდება უფლებამოსილება. უფლებამოსილების შეწყვეტიდან ორი კვირის ვადაში პრეზიდენტი გაივლის კონსულტაციებს უმაღლეს საბჭოში წარმოდგენილ ყველა პოლიტიკურ სუბიექტთან და ამ კონსულტაციების შემდეგ უმაღლეს საბჭოს წარუდგენს კანდიდატურას.

ამის შემდეგ, უმაღლესი საბჭო იმსჯელებს კანდიდატურაზე და დაამტკიცებს მას. ასე რომ, როგორც 2016 წელს, როდესაც ბატონი პატარაძის კანდიდატურა იყო წარდგენილი საბჭოსთვის, ახლაც პრეზიდენტი გაივლის კონსულტაციებს პოლიტიკურ სუბიექტებთან, რომლებიც არიან წარმოდგენილი უმაღლეს საბჭოში და ამ კონსულტაციების შემდეგ ის დაასახელებს კანდიდატურას.

კანონმდებლობით არ არის გათვალისწინებული კონსულტაციების გავლა  მთავრობასთან, მხოლოდ გათვალისწინებულია კონსულტაციები პოლიტიკურ სუბიექტებთან.

მანამ სანამ იქნება ახალი მთავრობა უფლებამოსილებას ასრულებს არსებული  მთავრობა, ესეც განსაზღვრულია კონსტიტუციური კანონით და ახალი კონსტიტუციით", - აღნიშნა ანა ნაცვლიშვილმა.

ავტორი: ,

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში