წეროვანში ავტოსაგზაო შემთხვევის დროს დაშავებული 19 პირიდან ორის მდგომარეობა მძიმეა

2018-06-25 14:47:43, 685 ნახვა

საზოგადოება

წეროვანში მომხდარი ავტოსაგზაო შემთხვევის შედეგად დაშავებული 19 ადამიანი საავადმყოფოში გადაიყვანეს.

როგორც "ექსპრესნიუსს" საგანგებო სიტუაციების კოორდინაციისა და გადაუდებელი დახმარების ცენტრში განუცხადეს, 2 მოქალაქის მდგომარეობა მძიმეა და მათ ოპერაცია უტარდებათ.

პრესსამსახურის ცნობით, დაშავებულებს სხვადასხვა სიმძიმის დაზიანებები აღენიშნებათ.

11 დაშავებული მცხეთის სამედიცინო დაწესებულებაშია გადაყვანილი, ხოლო 8 პაციენტი "ჯეოჰოსპიტალში" აგრძელებს მკურნალობას.

შეგახსენებთ, წეროვანშიუ ერთმანეთს სამგზავრო ავტობუსი და ტრაილერი შეეჯახა, რის შედეგადაც 19 ადამიანი დაშავდა. შინაგან საქმეთა სამინისტროს ინფორმაციით, გამოძიება სსკ-ის 276-ე მუხლის პირველი ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები