ხოშტარია: თუ „ოცნება“ აპირებს, მუშაობაში ხელოვნური ბარიერები შექმნას, პირდაპირ ვეტყვი, რომ არაფერი გამოუვათ

„ქართული ოცნება“ თუ აპირებს, რომ ხელოვნური ბარიერები შექმნას მუშაობაში, პირდაპირ ვეტყვი, რომ არაფერი გამოუვათ“, - ამის შესახებ „ევროპული საქართველოს“  და დროებითი საგამოძიებო კომისიის წევრმა ელენე ხოშტრიამ ჟურნალისტებს განუცხადა.

მანვე აღნიშნა, რომ კომისიის უმრავლესობამ მიიღო აბსოლუტურად ობიექტური გადაწყვეტილება ექსპერტების დაკომპლექტების წესთან დაკავშირებით.

 „ჩვენ შემოვიღეთ ექსპერტების დაქირავების სამართლიანი წესი, ჩვვენ შეგვეძლო შემოგვეღო წესი, როდესაც უმრავლესობით გადაწყდებოდა ვინ იქნებოდა ექსპერტი და მაშინ მოგეხსენებათ, რომ უმრავლესობაში ვართ ჩვენ და არ გავითვალისწინებდით „ოცნების“ სურვილს მათი ექსპერტების დაკომპლექტებაში. ეს ჩვენ არ გავაკეთეთ, იქიდან გამომდინარე, რომ ჩვენ და „ოცნება“ ვერასდროს ვერ შევთანხმდებით ობიექტურ შეფასებაზე ადამიანების და ვთქვით, რომ ვინც იღებს პასუხისმგებლობას თავის ექსპერტზე, მოიყვანოს და ყველას აქვს დღეს ამის საშუალება. როდესაც ამდენი კითხვა და პრეტენზია მოვისმინეთ გამოძიების მიმართ, ამაზე იმსჯელოს ბესელია იქნება თუ ვინმე სხვა, ეს უფრო საინტერესო იქნება, ვიდრე იაფფასიანი მცდელობა, რომ ტექნიკური ბარიერი შეუქმნან კომისიას, ეს არ გამოუვათ“, - აღნიშნა ელენე ხოშტარიამ.

შეგახსენებთ, კომისიის სხდომაზე ექსპერტების მიწვევის წესთან დაკავშირებით დეპუტატებს შორის კამათი მოხდა. როგორც იურიდიულ საკითხთა კომიტეტის თავმჯდომარე ეკა ბესელიამ აღნიშნა, „ევროპულმა საქართველომ“ კონკრეტული ექსპერტები კომისიაში ისე მიიწვია, რომ დანარჩენი წევრებისთვის არ უთქვამთ, რაც მისი განმარტებით, რეგლამენტის დარღვევაა.

ავტორი: ,

სოციალური ქსელები

თბილისში, ძმის ქორწილში ახალგაზრდა კაცი მოკლეს

ელისაშვილი არჩილ გორდულაძეს - ამოვგლიჯავ ენას, ხომ არ გონია 13 წელი ვიქნები ციხეში

სახალხო დამცველი პარლამენტს მოუწოდებს არ მიიღონ აზარტული თამაშების კანონში ცვლილებები

სს კრედო ბანკმა, თიბისი კაპიტალის მხარდაჭერით, $10 მილიონის დამატებითი პირველადი კაპიტალის (AT1) კერძო ობლიგაციები განათავსა