ხორავას ქუჩაზე მოკლული მოზარდის მამა ზაზა სარალიძე იუსტიციის მინისტრის თეა წულუკიანის და შს მინისტრის გიორგი გახარიას გადადგომას ისევ ითხოვს. 

როგორც სარალიძემ ჟურნალისტებს განუმარტა, აღნიშნული პირები თანამდებობასთან შეუფერებლები არიან და ნაკისრ ვალდებულებებს არ ასრულებენ.  

"გიორგი გახარიას უწყებამ დაიწყო გამოძიება და მერე კვირიკაშვილთან თავის მართლება დაიწყო, რომ პროკურატურამ საქმე ძალიან მალე წაიღოო, ჩვენ არანაირი უფლება არ გვქონდაო. მერე გამოდის წულუკიანი და ამბობს, რომ კვირიკაშვილი შეცდაო და გახარიას უწყებას კი არ დაუბრუნდა, არამედ დღემდე იძიებდა ამ საქმესო. ძალიან ბევრი გარემოება არსებობს. არც ერთია დასატოვებელი მინისტრად და არც მეორე. მე ვხედავ წულუკიანის გადადგომის აუცილებლობას, რადგან წულუკიანის დანიშნული იყო შოთაძე და ტაშს უკრავს ახლაც. შოთაძეს რომ წვლილი მიუძღვის ამ საქმეში, იმდენი ვის მიუძღვის, ანუ წულუკიანსაც მიუძღვის. გახარიამ პირდაპირ დაიწყო ამ საქმის გაყალბება, არც კი მომისმინა. მინისტრები და  მთავრობა ჩვენი არჩეული არ არის?! თუ ხალხს არ მოუსმინა, აბა ვის უნდა მოუსმინოს?! ჩემთვის მნიშვნელობა არ აქვს სად გადაიყვანენ გახარიას, ეკონომიკის სამინისტროში, რომ გადაიყვანონ, მაინც მოვითხოვთ მის გადადგომას. შს უწყებას თუ ვერ უხელმძღვანელა, ეკონომიკის სამინისტროსაც ვერ უხელმძღვანელებს", - განაცხადა სარალიძემ.

ავტორი: ,

სოციალური ქსელები

კობახიძემ თქვა, რომ რუბიოსთან დახურულ თემეზე ისაუბრა

მიხეილ სააკაშვილი: სპონტანური საპროტესტო აქციები რეჟიმისთვის ყველაზე დიდ საფრთხეს წარმოადგენდა

ენმ-ის თავმჯდომარე: ოპოზიციურ ალიანსში გაწევრიანების გადაწყვეტილება სააკაშვილის ინიციატივით იქნა მიღებული

კობახიძე - მდინარაძეს ექნება გამორჩეული როლი სახელმწიფოებრივი გადაწყვეტილების მიღების პროცესში