მე არ ვიცი, რა შემადგენლობით წარდგება პრემიერ-მინისტრი 2-3 კვირაში, - ამის შესახებ იუსტიციის მინისტრმა, თეა წულუკიანმა ჟურნალისტებს განუცხადა.

კითხვაზე, იქნება თუ არა ის ახალი მთავრობის შემადგენლობაში, წულუკიანმა განმარტა, რომ გარკვეული ინფორმაცია აქვს, თუმცა ბახტაძის, როგორც პრემიერ-მინისტრის პრეროგატივაა, თუ როგორ დააკომპლექტებს მინისტრთა კაბინეტს.

„სამი კვირის შემდეგ ვინ იქნება ბახტაძის კაბინეტში ეს არის პრემიერ-მინისტრის პრეროგატივა. რაც შეეხებ ჩემს კანდიდატურას, მე ამის შესახებ რა თქმა უნდა გარკვეული ინფორმაცია მაქვს, მაგრამ პრემიერის პრეროგატივაა, შეადგინოს თავისი კაბინეტი და ეს პროცესი გაგრძელდება 2-3 კვირას, შეძილება ნაკლებსაც მოიცავდეს. საკანონმდებლო ცვლილებებიც არის განსახორციელებელი. საქართველოს პრემიერ-მინისტრის პრეროგატივაა, რომ მომდევნო დღეებში, სრულფასოვანი კონსულტაციების გზით, ამჟამინდელ კაბინეტთან, უმრავლესობასთან, შეადგინოს როგორც მან თქვა 11-წევრიანი კაბინეტი.  მე ვიყავი, ვარ და ვიქნები ყოველთვის „ქართული ოცნების“ გუნდური მოთამაშე. ეს მე ბევრჯერ ვთქვი და კიდევ ერთხელ მაქვს პატივი ეს გავიმეორო“,- განაცხადა მან.

 თეა წულუკიანმა მამუკა ბახტაძეს წარმატებები უსურვა.

„მე მინდა წარმატება ვუსურვო ბატონ მამუკა ბახტაძეს, საქართველოს პრემიერ-მინისტრს. მის მთავრობას, ჩვენს მთავრობას, „ქართულ ოცნებას“ . განსაკუთრებით გეგმების იმ ნაწილში, რომელიც ეხება ჩვენი ხალხის კეთილდღეობას, რადგან მართლაც განსაკუთრებით  ისეთ მოწყვლად ჯგუფებში, როგორიც არიან ბავშვები, ხანდაზმულები და შშმ პირები პრაქტიკულად ყველა, რომ გამოვიდეს იმ დგომარეობიდან, რასაც ჰქვია მძიმე ეკონომიკური, სოციალური მდგომარეობა და პირადად მე მხარდაჭერას ვუცხადებ მთავრობის ყველა იმ კომპონენტს, რომელიც ჩემ სფეროს არ განეკუთვნება, მაგრამ ახლოს არის ძალიან იმ პრობლემებთან, რომლებიც ჩემ გარშემო ადამიანებსაც და საზოგადოებასაც აწუხებს“, - განაცხადა თეა წულუკიანმა.

ავტორი: ,

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება