პრემიერ-მინისტრობის კანდიდატმა მამუკა ბახტაძემ, 2012 წელს მისი სახელით „ნაციონალური მოძრაობისთვის“ 20 000 ლარის გადარიცხვასთან დაკავშირებულ შეკითხვას კიდევ ერთხელ უპასუხა.

როგორც ბახტაძემ აღნიშნა, თანხა პარტიისთვის არ გადაურიცხავს და მისი ანგარიშის გამოყენება ტექნიკურად მოხდა. პრემიერობის კანდიდატმა ასევე განმარტა, რომ 2012 წელს ამავე მიზნით 30 ათასზე მეტი ფიზიკური პირის ანგარიში გამოიყენეს.

„მე გავეცი ამ კითხვაზე ამომწურავი პასუხი გუშინ და ვინც ვერ ან არ გაიგო, დღესაც გავიმეორებ მათთვის. მე ჩემი თანხა არასოდეს გადამირიცხავს „ნაციონალური მოძრაობისთვის“. თქვენს მიერ ინიცირებულმა კანონმა, რომელმაც აკრძალა იურიდიული პირების მიერ პარტიების დაფინანსება, რომ „ქართულ ოცნებას“ არ ჰქონოდა საშუალება მიეღო შესაბამისი დაფინანსება 2012 წლის არჩევნებში და ამავე დროს ასეთ კანონს თქვენ მიეცით უკუქმედების ძალა, გამოიწვია ის, რომ ტექნიკურად მოხდა გამოყენება ფიზიკური პირების ანგარიშების. ასეთი არის 30 ათას ადამიანზე მეტი. შესაბამისად, თუ ეს იყო თაღლითობა, ძალიან საინტერესოა მაშინ, ამ თაღლითობის ბენეფიციარი ვინ არის?!“ - განაცხადა ბახტაძემ.

ცნობისთვის, დღეს „ნაციონალური მოძრაობის“ დეპუტატმა სალომე სამადაშვილმა პრემიერ-მინისტრობის კანდიდატს მიმართა და განაცხადა, რომ მის მიმართ პროკურატურამ საქმე უნდა აძრას: „გუშინ თქვენ ჩვენს ფრაქციასთან შეხვედრაზე დაადასტურეთ, რომ მიიღეთ მონაწილეობა თაღლითურ სქემაში, რაც შეეხება პოლიტიკური პარტიების დაფინანსებას არსებული კანონის გვერდის ავლით და შესაძლოა, ასევე მიიღეთ მონაწილეობა, სავარაუდოდ, უკანონო შემოსავლების გათეთრების სქემაში. დაწყებული არის უკვე შესაბამისი მოკვლევა ამ საკითხზე. არასამთავრობო ორგანიზაციებმა გამოითხოვეს შესაბამისი ინფორმაცია. ჩვენ მიგვაჩნია, რომ პროკურატურამ დაუყოვნებლივ უნდა აღძრას საქმე და გამოიძიოს თქვენი მონაწილეობა თაღლითურ და შესაძლოა, ასევე, ძალიან მძიმე დანაშაულში, რომელიც ისჯება 3-დან 6 წლამდე თავისუფლების აღკვეთით, თუ ეს ასევე უკავშირდებოდა ფულის გათეთრების სქემას. მაინტერესებს, აპირებთ თუ არა ითანამშრომლოთ გამოძიების პროცესთან“.

ავტორი: ,

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება