საპარლამენტო უმრავლესობის წევრის ზაქარია ქუცნაშვილის განცხადებით, მთავრობაში დაგეგმილი სტრუქტურული ცვლილებები ამ ეტაპზე წარმოდგენილი არ იქნება.

როგორც მან აღნიშნა, პრემიერ-მინისტრობის კანდიდატი ვალდებულია, არსებული მთავრობის სრული შემადგენლობა წარმოადგინოს, სტრუქტურული ცვლილებების განხორციელება კი, კანონში ცვლილების შეტანის შემდეგ იქნება შესაძლებელი.

„მცირე მთავრობის იდეის წარმოჩინებისას, არის ერთი სამართლებრივი ბარიერი დასაძლევი, რომ ჯერ პრემიერ-მინისტრობის კანდიდატი ვალდებულია, არსებული მთავრობის სრული შემადგენლობა წარმოადგინოს, შემდეგ კანონში უნდა შევიდეს ცვლილება, თუ რომელიმე სამინისტროს შერწყმა იგეგმება და მხოლოდ ამის შემდეგ შეიძლება ამას მოყვეს საკადრო ცვლილება. ასე რომ დღეს არ ვიასუბრებთ სტრუქრუტულ ცვლილებებზე, დღეს იქნება არსებული მთავრობის ყველა კანდიდატის წარმოდგენაზე საუბარი, ხოლო შემდეგ ეტაპზე გაირკვევა, თუ რომელი სამინისტრო რომელს შეუერთდება“, - აცხადებს „ქართული ოცნების“ წევრი ზაქარია ქუცნაშვილი.

ცნობისთვის, პრემიერ-მინისტრობის კანდიდატი მამუკა ბახტაძე დღეს მინისტრთა კაბინეტის განახლებულ შემადგენლობას წარადგენს. ამასთან, ბახტაძემ გუშინ განაცხადა, რომ სამინისტროების შემცირებას გეგმავს, თუმცა ჯერჯერობით უცნობია, თუ რომელი სამინისტროები გაერთიანდება.

ავტორი: ,

სოციალური ქსელები

„რეალური მოლაპარაკებები აღარ მიმდინარეობს“ - უკრაინა ემზადება ომის გასაგრძელებლად აშშ-ის დახმარების გარეშე

პატრიარქმა კირილმა შიო III-ს მშვიდობიანი და კურთხეული პატრიარქობა უსურვა

კიევისა და სრულიად უკრაინის მიტროპოლიტი ეპიფანე - ღმერთმა დალოცოს ახალი ეტაპი საქართველოს მართლმადიდებელი ეკლესიის ცხოვრებაში

ევროკავშირი პატრიარქ კირილისა და რუსეთის მართლმადიდებლური ეკლესიის წინააღმდეგ სანქციებს ამზადებს