საპარლამენტო უმრავლესობის ლიდერის, არჩილ თალაკვაძის განცხადებით, პრემიერის თანამდებობაზე მამუკა ბახტაძის კანდიდატურას გუნდმა ერთსულოვნად დაუჭირა მხარი.

როგორც თალაკვაძემ პარტიის ოფისში გამართულ ბრიფინგზე განაცხადა, დარწმუნებულია, რომ მთავრობა ბახტაძის მეთაურობით ქვეყნის წინსვლას და განვითარებას უზრუნველყოფს.

„საქართველოს კონსტიტუციის თანახმად, საპარლამენტო უმრავლესობამ მიიღო გადაწყვეტილება საქართველოს პრემიერ-მინისტრობის კანდიდატად ბატონი მამუკა ბახტაძის წარდგენის შესახებ. გუნდმა ერთსულოვნად დაუჭირა მხარი პრემიერ-მინისტრის კანდიდატურას. დარწმუნებული ვართ, რომ საქართველოს მთავრობა მამუკა ბახტაძის მეთაურობით წარმატებით უზრუნველყოფს ქვეყნის წინსვლას და განვითარებას. მინდა მივულოცო მას და წარმატებები ვუსურვო“, - განაცხადა არჩილ თალაკვაძე.

შეგახსენებთ, მამუკა ბახტაძე გასული წლის 13 ნოემბრიდან ფინანსთა მინისტრის პოსტს იკავებდა. მანამდე ის „საქართველოს რკინიგზის“ გენერალური დირექტორი იყო. სამთავრობო ცვლილებები მას შემდეგ გახდა საჭირო, რაც გიორგი კვირიკაშვილმა პრემიერის პოსტი დატოვა.

ავტორი: ,

სოციალური ქსელები

ელისაშვილი არჩილ გორდულაძეს - ამოვგლიჯავ ენას, ხომ არ გონია 13 წელი ვიქნები ციხეში

სახალხო დამცველი პარლამენტს მოუწოდებს არ მიიღონ აზარტული თამაშების კანონში ცვლილებები

სს კრედო ბანკმა, თიბისი კაპიტალის მხარდაჭერით, $10 მილიონის დამატებითი პირველადი კაპიტალის (AT1) კერძო ობლიგაციები განათავსა

ისარგებლე ყოველდღე ქეშბექ შეთავაზებებით საქართველოს ბანკის SUPER ნაკრების ფარგლებში