„რაც შეეხება გიორგი კვირიკაშვილის მოღვაწეობას, რა თქმა უნდა იყო წარმატებები, თუმცა  მგონია, რომ ახალი სისხლი მოგვცემს იმის შესაძლებლობას, რომ კიდევ უფრო ეფექტურები ვიყოთ“, - ამის შესახებ თბილისის მერმა კახა კალაძემ პრემიერის გადადგომასთან დაკავშირებთ განაცხადა.

როგორც მან აღნიშნა, უმრავლესობის გუშინდელ სხდომაზე პარტიის თავმჯდომარე ბიძინა ივანიშილმა ის შენიშვნები გამოთქვა, რომელიც სხვადასხვა საკითხზე, მათ შორის გადაწყვეტილებების ეფექტურობაზე ჰქონდა.

„გუნდში იყო მსჯელობა ზოგადად არსებულ მდგომარეობაზე, არსებულ სიტუაციაზე. გუშინ იყო შეხვედრა, სადაც მონაწილეობდა უმრავლესობა, იყვნენ მთავრობის წარმომადგენლები. ასევე პარტიის თავმჯდომარე, ესწრებოდა ამ შეხვედრას. მანაც  თავის მოსაზრებები  დააფიქსირა და მიუთითა იმ პრობლემებზე, რომელიც ჩვენ მიგვაჩნია, რომ პრობლემაა დღეს ქვეყანაში. ეს არის გადაწყვეტილებების ეფექტურობა, კოორდინაცია განსაკუთრებით საპარლამენტო გუნდთან. რაც შეეხება გიორგი მოღვაწეობას, რა თქმა უნდა ბევრი დადებითი იყო, იყო წარმატებები. თუმცა არის სერიოზული გამოწვევები. ზოგადად გუნდის განახლებას რაც შეეხება, პრემიერის გადაწყვეტილებას, ახალი სისხლი მგონია, რომ კიდევ უფრო მოგვცემს იმის შესაძლებლობას, რომ კიდევ უფრო ეფექტურები ვიყოთ და ვუპასუხოთ იმ გამოწვევებს რომელიც დღეს აქტუალურია“, - განაცხადა კახა კალაძემ.

მისივე თქმით, ხვალ საპარლამენტო უმრავლესობის შეხვედრა გაიმართება, სადაც პრემიერის კანდიდატურაზე იმსჯელებენ.

ავტორი: ,

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს