ვფიქრობ, პრემიერმა მიიღო წინასწარი გადაწყვეტილება, რომ სჯობს წავიდეს- ამის შესახებ, პარლამენტის ვიცე-სპიკერმა გია ვოლსკიმ განაცხადა.

მისი თქმით, მმართველი გუნდი კვირიკაშვილისგან სამოქმედო გეგმას ელოდა, თუმცა მან არჩია, რომ გეგმის წარდგენამდე გადამდგარიყო.

„როგორც ჩანს ბატონმა გიორგიმ გადაწყვიტა, რომ ამ საკითხთან დაკავშირებით, ამ თემებთან დაკავშირებით, რაზეც გუნდშიც გამოითქვა და პარტიის თავჯდომარე ახსენა მან  და რასაკვირველია მისი მხიდანაც გამოითქვა გარკვეული შენიშვნები და მოსაზრებები. ველოდებოდით განცხადებებს ამ საკითხთან დაკავშირებით, ანგარიშს ველოდებოდით. ვიქრობ პრემიერ- მინისტრმა მიიღო წინასწარი გადაწყვეტილება, რომ ჯობს წავიდეს“,- განაცხადა გია ვოლსკიმ.

მისივე თქმით, ამ ეტაპზე პრემიერის შემცვლელზე საუბარი არ ყოფილა.

„შემცვლელთან დაკავშირებით, ჩვენ ამ თემაზე არ გვილაპარაკია. უახლოეს პერიოდში გაგრძელდება კონსულტაციები.  ცვლილებებზე ასე სწრაფად ნუ ვილაპარაკებთ, ჩვენ ქვეყანას სტრესები არ ჭირდება. აქედან გამომდინარე, წყნარად, აუღელვებლად გაგრძელდება ამ თემაზე მსჯელობა.  დღეს უკვე არავის აღარ უკვირს, თუ რატომ გაგრძელდა სამ საათზე მეტი საუბარი და გუშინ ამაზე თავის მართლება მოგვიწია.  სერიოზული საკითხი და განსჯა იყო და მე ვფიქრობ რომ პრემირ-მინ ისტრმა მიიღო ის გადაწყვეტილება, რომელიც მას პიროვნულად მიაჩნია სწორად ამ ვითარებაში“,- აღნიშნა ვოლსკიმ.  

შეგახსენებთ რამდენიმე წუთის წინ ცნობილი გახდა, რომ საქართველოს პრემიერ-მინისტრმა გიორგი კვირიკაშვილმა თანამდებობა დატოვა.

ავტორი: ,

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს