ვიცე–პრემიერი, შინაგან საქმეთა მინისტრი გიორგი გახარია საქართველოში ოფიციალური ვიზიტით მყოფ ბელგიის სამეფოს მიგრაციისა და თავშესაფრის საკითხებში სახელმწიფო მინისტრს - თეო ფრანკენს შეხვდა.

შეხვედრაზე მხარეებმა ევროკავშირთან უვიზო რეჟიმის პირობებში ბელგიაში თავშესაფრის მაძიებელთა მატების დინამიკა განიხილეს.

გიორგი გახარიამ თეო ფრანკენს საქართველოდან თავშესაფრის მაძიებლების რაოდენობის შემცირების მიმართულებით საქართველოს მთავრობის მიერ დაგეგმილი, ასევე,  განხორციელებული ღონისძიებები გააცნო და  სრული მზაობა გამოთქვა ბელგიურ მხარესთან ამ კუთხით დამატებითი თანამშრომლობის თაობაზე.

მხარეებმა განსაკუთრებით აღნიშნეს უნებართვოდ მყოფ პირთა რეადმისიის საკითხებში საქართველოსა და ბელგიას შორის არსებული ნაყოფიერი თანამშრომლობის მნიშვნელობა, რაც გამოიხატება ქართული მხარის მიერ ბელგიიდან რეადმისიის შესახებ მოთხოვნების თითქმის 100%-იან დაკმაყოფილებაში.
ბელგიაში, ისევე, როგორც სხვა ევროპულ ქვეყნებში, საქართველოს მოქალაქეებისთვის თავშესაფრის მაძიებლად აღიარების შესაძლებლობა საკმაოდ დაბალია. ბელგიის სამეფოს საქართველო აღიარებული ჰყავს უსაფრთხო ქვეყნად, რაც ძალიან ამცირებს ქართველების მიერ თავშესაფრის მიღების შესაძლებლობას.
გიორგი გახარიამ თეო ფრანკენმა ბელგიის დედაქალაქში საქართველოს შინაგან საქმეთა სამინისტროს პოლიციის მეკავშირე ოფიცრის წარგზავნის შესახებაც ისაუბრეს. აღსანიშნავია, რომ კონსულტაციები მეკავშირე ოფიცრის წარგზავნის თაობაზე  უკვე დაწყებულია.

(NS)
 

ავტორი: ,

სოციალური ქსელები

პერსონალურ საბანკო მომსახურებაში ინოვაციებისთვის თიბისიმ The Banker-ის საერთაშორისო ჯილდო მოიპოვა

ALDE – დროა რუსეთმა არასასურველ ორგანიზაციად იმის გამო გამოაცხადა, რომ ოკუპაციის წინააღმდეგ, საქართველოს სუვერენიტეტის დასაცავად და ევროპული მომავლისთვის იბრძვის

ხოშტარია -ის, რომ პუტინის რეჟიმისთვის არასასურველები ვართ, მხოლოდ საამაყოა, ეს ნამდვილად პატივია

რეჟიმის პატიმარმა ზურაბ ჭავჭანიძემ საპატიმრო დატოვა