დღეს, შუახევში საგნობრივ ოლიმპიადაში და კონკურსებში სხვადასხვა ნომინაციაში გამარჯვებული მოსწავლეების, მასწავლებლებისა და სკოლების საზეიმო დაჯილდოება გაიმართა.

დაჯილდოების ცერემონიალს აჭარის განათლების, კულტურისა და სპორტის მინისტრი ინგა შამილიშვილი, მინისტრის მოადგილე გიორგი თავბერიძე, საქართველოს პარლამენტის წევრი ანზორ ბოლქვაძე, შუახევის მერი ფრიდონ ფუტკარაძე, საკრებულოს თავმჯდომარე გიორგი დავითაძე, რესურსცენტრის ხელმძღვანელი ედუარდ გოგრაჭაძე და სხვა ხელმძღვანელი პირები ესწრებოდნენ.

მოსწავლეებს და მასწავლებლებს ოლიმპიადაში გამარჯვება ხელმძღვანელმა პირებმა მიულოცეს და მომავალში წარმატებები უსურვეს.

2017-2018 სასწავლო წელს ჩატარებულ სხვადასხვა სახის მუნიციპალურ კონკურსებში და საგნობრივ ოლიმპიადაში 800 - მდე მოსწავლე მონაწილეობდა.

შუახევის რესურსცენტრის ხელმძღვანელმა ედუარდ გოგრაჭაძემ საგანმანათლებლო, კულტურული და ინტელექტუალურ - შემეცნებითი ღონისძიებების აქტიური მხარდაჭერისთვის აჭარის განათლების, კულტურისა და სპორტის მინისტრი ინგა შამილიშვილი, მინისტრის მოადგილე გიორგი თავბერიძე, შუახევის მერი ფრიდონ ფუტკარაძე და საკრებულოს თავმჯდომარე გიორგი დავითაძე მადლობის ბარათით დააჯილდოვა.

საზეიმო ღონისძიებაში თავიანთი შემოქმედება წარმოაჩინეს ხიჭაურის წმინდა გრიგოლ ხანძთელის სახელობის სკოლის, იაგო მიქელაძის სახელობის ბუთურაულის, შუახევის და ბრილის საჯარო სკოლის მოსწავლეებმა.

ნიგაზეულის საჯარო სკოლის მოსწავლეებმა დადგეს ფრიდონ ხალვაშის პიესა ,, ხიხანის ძახილი, რომელმაც მაყურებლის დიდი მოწონება დაიმსახურა.

(NS)

ავტორი: ,

სოციალური ქსელები

Euromoney Markets Awards - თიბისი საქართველოში ობლიგაციების ბაზრის საუკეთესო ბანკია

ევროპარლამენტის ვიცე-პრეზიდენტმა ოლეშკიში ჰუმანიტარული კატასტროფის გამო შიმშილობა გამოაცხადა

ტრამპის სპეციალური წარმომადგენელი მოლაპარაკებებისთვის რუსეთში გაემგზავრა

მთავრობის ადმინისტრაცია ილია მეორის დაკრძალვის ხარჯებზე - სარეზერვო ფონდიდან 3 მილიონი გამოიყო, შემდეგ კი ეს თანხა 722 645 ლარამდე დაკორექტირდა და 2 277 355 ლარი ბიუჯეტში დაბრუნდა