დედაქალაქის მერია ვარკეთილის ხიდების აღდგენა-რეკონსტრუქციას იწყებს. ამის შესახებ თბილისის მერმა კახა კალაძემ დედაქალაქის მთავრობის სხდომაზე განაცხადა. კახა კალაძის განცხადებით, ხიდები ათეულობით წელია ექსპლუატაციაშია და მისი რეაბილიტაცია აქამდე არ განხორციელებულა. 

„მინდა ვაცნობო თბილისელებს, რომ ჩვენ  დღეს ვიწყებთ კიდევ ერთ უმნიშვნელოვანეს ინფრასტრუქტურულ პროექტს - ვარკეთილის ხიდების აღდგენა-რეკონსტრუქციას. პროექტი ეფუძნება კვლევას, რომლითაც შეფასდა მისი ტექნიკური მდგომარეობა და დადგინდა აღდგენითი სამუშაოების საჭიროება.  ხიდების რეკონსტრუქცია შვიდი თვის განმავლობაში გაგრძელდება და ეს პროცესი მოიცავს დაზიანებული რკინა-ბეტონის კონსტრუქციის დემონტაჟსა და ახლის აშენებას, ჰიდროიზოლაციისა და წყალარინების სისტემის მოწყობას და სხვა სახის სამუშაოებს. ძირითადი კონსტრუქციის აღდგენის შემდეგ, დაიგება ასფალტის ახალი საფარი.
პროექტის ღირებულება მილიონ ნახევარი ლარია და შემიძლია ვთქვა, რომ როგორც წელს, ისე მომდევნო წლებში კიდევ არაერთი ასეთი მასშტაბური პროექტი განხორციელდება“, - განაცხადა თბილისის მერმა. 

ამასთან, როგორც მერის მოადგილე  ირაკლი ბენდელიანმა  განაცხადა, პროექტის განხორციელების პროცესში  თბილისის მერია საპატრულო პოლიციასთან ერთად კოორდინირებულად იმუშავებს საგზაო მოძრაობასთან დაკავშირებით  დისკომფორტის თავიდან ასაცილებლად. 

სამგორის რაიონში, კახეთის გზატკეცილის და ჯავახეთის ქუჩის გადაკვეთაზე საავტომობილო ხიდი-გზაგამტარის (ე.წ ვარკეთილის ხიდები) აღდგენა - რეკონსტრუქციის სამუშაოებს თბილისის მერიის ინფრასტრუქტურის საქალაქო სამსახური ახორციელებს. 

პროექტის განხორციელების პირველ ეტაპზე, სამი თვით, საავტომობილო მიმოსვლა შეიზღუდება თბილისიდან აეროპორტის მიმართულებით; ამ პერიოდში საავტომობილო მიმოსვლა გადაერთვება საპირისპირო მიმართულებაზე და მოძრაობა გახდება ორმხრივი; სამუშაოების წარმოების მეორე ეტაპზე შეზღუდვა იმოქმედებს აეროპორტიდან თბილისისკენ მომავალ მიმართულებაზე და საპირისპირო მიმართულება გახდება ორმხრივი.

სამუშაოებს აწარმოებს მერიის კონტრაქტორი კომპანია „პასაჟი საქართველო“. სარეაბილიტაციო ღირებულება 1 581 600 ლარს შეადგენს. 

(NS)

ავტორი: ,

სოციალური ქსელები

მოსკოვსა და ცხინვალს შორის „მოკავშირეთა თანამშრომლობის გაღრმავების შესახებ“ შეთანხმება რატიფიცირებულია

14 მაისიდან 30 ივნისის ჩათვლით ხაჯალია–სუფსის მონაკვეთზე მოძრაობა დროებით შეიზღუდება

მართვის მოწმობის არაგეგმური, 250 ლარიანი გამოცდა მხოლოდ შაბათობით ჩატარდება

ბერეკაშვილი: ეს იყო არა ფასების დაკლების, არამედ ფასების შემსწავლელი კომისია