“ბატონ ზაზას აქვს პოლიტიკური მოთხოვნები იქიდან გამომდინარე, რომ მას დაკარგული აქვს რწმენა გამოძიების მიმართ“, - ამის შესახებ სახალხო დამცველმა ნინო ლომჯარიამ ჟურნალისტებთან საუბრისას განაცხადა.

როგორც ლომჯარია აცხადებს, უნდა ჩატარდეს გამოძიება, რომელიც საქმეზე კითხვებს არ დატოვებს.

„ყველაფერს გავაკეთებ, რომ ყველა უწყებასთან მივიდეს ის სათქმელი, რაც აქვს ბატონ ზაზას, არის ბევრი დეტალი საქმეში, რაც ეჭვს იწვევს, ამის მიტანა საზოგადოებამდე ტელევიზიების მეშვეობით, მიტინგის მეშვეობით არის რთული. ამიტომ ამ ყველა დეტალს, რაც მას აწუხებს, ყველა გამოუძიებელ გარემოებას, ყველა საეჭვო პირის მონაწილეობას ამ საქმეში, გამოძიება სჭირდება. ბატონ ზაზას აქვს პოლიტიკური მოთხოვნები იქიდან გამომდინარე, რომ მას დაკარგული აქვს რწმენა გამოძიების მიმართ. ჩემი პოზიციაა, რომ ამ საქმეზე მართლმსაჯულება უნდა აღსრულდეს, ამიტომ გამოძიება უნდა განხორციელდეს, თუმცა გამოძიებამ კითხვები არ უნდა დატოვოს, ისე, როგორც წარმოებულმა გამოძიებამ დატოვა“, - განაცხადა ლომჯარიამ.

ცნობისთვის, პარლამენტის შენობასთან აქცია „ნუ მომკლავ“ მიმდინარეობს. ადგილზე ამ დროისთვის ასობით ადამიანია და მათი რაოდენობა სულ უფრო იზრდება. დღეს პარლამენტის შენობასთან მხარდამჭერებს რეგიონებიდანაც ელოდებიან.

ავტორი: ,

სოციალური ქსელები

თიბისის ბიზნესმობაილბანკში ანაბრის გახსნა უკვე ციფრულადაა შესაძლებელი

თავს დაესხნენ უცხო ქვეყნის მოქალაქეებს, სცემეს და ტელეფონები გასტაცეს- დაკავებულია 4 არასრულწლოვანი

ტრამპმა საფონდო ბირჟის მკვეთრ ვარდნაში დემოკრატები დაადანაშაულა

საგარეჯოში, ძმების დამამძიმებელ გარემოებაში ჩადენილი განზრახ მკვლელობის ფაქტზე ერთი პირი დააკავეს