თბილისის N79 საბავშვო ბაგა-ბაღს დღეს საერთაშორისო ორგანიზაცია Save the Children-ის სომხეთის ოფისის წარმომადგენლები, მარია პოღოსიანი და ირენ სარგსიანი ეწვივნენ. 

ინკლუზიური განათლების ექსპერტები თბილისში განათლების სამინისტროსა და ამავე ორგანიზაციის მიერ ორგანიზებული, აღმოსავლეთ ევროპის რეგიონული კონფერენციის ფარგლებში იმყოფებიან.

ვიზიტის ერთ-ერთი შემადგენელი ნაწილი სწორედ თბილისის საბავშვო ბაგა-ბაღების მართვისა და მიღწეული შედეგების შესახებ ინფორმაციის მიღებაა, რადგან, ექსპერტების განცხადებით, სომხეთში სწორედ ახლა იწყება მუშაობა ადრეული და სკოლამდელი განათლების სისტემის დახვეწაზე, საერთაშორისო სტანდარტების დანერგვასა და კანონმდებლობის განვითარებაზე.

ორგანიზაციის წარმომადგენლებს თბილისის საბავშვო ბაგა-ბაღების მართვის სააგენტოს ხელმძღვანელმა კახაბერ გვანცელაძემ და მისმა მოადგილემ, ირაკლი თურმანიძემ უმასპინძლეს, დაათვალიერებინეს არსებული ინფრასტრუქტურა და გააცნეს ბაღების მართვის ძირითადი პრინციპები, არსებული სტანდარტები კვების, ჰიგიენის, მეთოდოლოგიისა და ინფრასტრუქტურის მიმართულებით. ასევე ისაუბრეს ინკლუზიური განათლების ხელშეწყობის მიზნით განხორციელებულ პროექტებსა და სამომავლო გეგმებზე.

მხარეები შეთანხმდნენ, რომ გამოცდილების გაზიარების მიზნით, მომავალშიც ითანამშრომლებენ.

(NS)

ავტორი: ,

სოციალური ქსელები

თიბისი კაპიტალის მხარდაჭერით, თეგეტა ჰოლდინგმა 11 მილიონი ევროს ობლიგაციები განათავსა

„გაიარე მეტი“ Bridgestone-თან ერთად - თბილისში „თეგეტა მოტორსის“ მასშტაბური ინსტალაციები გამოჩნდა

თურქეთმა სომხეთთან ორმხრივ ვაჭრობაზე არსებული შეზღუდვები გააუქმა

„როცა გაქვს მიზანი და შენი საქმეც გიყვარს, ეს არ გაჩერებს“ - თამრი ხურცილავა, „სუხიშვილების“ მოცეკვავე