ჩემი თანამდებობა არც ერთი ადამიანის უბედურებად არ მიღირს, - ამის შესახებ საქართველოს პრემიერ-მინისტრმა გიორგი კვირიკაშვილმა მთავრობის ადმინისტრაციაში გამართულ საგანგებო ბრიფინგზე განაცხადა.

როგორც პრემიერმა აღნიშნა, როგორც კი დადგება მისი თანამდებობიდან გადადგომის საჭიროება ის უკან არ დაიხევს.

კვირიკაშვილის თქმით, ის იღებს პასუხისმგებლობას იმაზე, რომ გამოძიებამ უახლოეს პერიოდში ხორავას ქუჩაზე მკვლელობის საქმესთან დაკავშირებით შედეგი დადოს.

"პირადად გავაკონტროლებ და ვიღებ პასუხისმგებლობას, რომ დროის ტექნიკურად შესაძლებელ, უმცირეს მონაკვეთში, და ხვალ დილიდან მექნება საუბარი ამაზე, დავდებთ შედეგს და ეს იქნება პასუხი საზოგადოების მიერ დასმულ კითხვებზე და ამ გამოწვევაზე პოლიტიკური პასუხი ჩვენი მხრიდან. მინდა ბოლოს ვთქვა, რომ ჩემი თანამდებობა არც ერთი ადამიანის უბედურებად არ მიღირს. როგორც კი დავრწმუნდები, რომ ჩემს მიერ თანამდებობის დატოვება წაადგება ქვეყანას, თუნდაც ოდნავ გააუმჯობესებს და განმუხტავს სიტუაციას, არც ერთი წამით ამ ნაბიჯის გადადგმაზე არ დავფიქრდები. დღეს ეს მომენტი არ დამდგარა. ჩემთვის მთავარია საზოგადოების შეკითხვებს უმოკლეს ვადებში პასუხები გავცეთ და ქვეყანაში სტაბილურობა შევინარჩუნოთ", - განაცხადა კვირიკაშვილმა.

ცნობისთვის, ცოტა ხნის წინ აქციის მონაწილეებთან პრემიერ-მინისტრი გიორგი კვირიკაშვილი მივიდა, თუმცა მომიტინგეებმა მას სხვადასხვა ნივთები ესროლეს და სიტყვის დასრულების საშუალება არ მისცეს.

მთავრობის ადმინისტრაციასთან ათასობით ადამიანი ხორავას ქუჩაზე მომხდარ მკვლელობაში დამნაშავეების დასჯას და მთავრობის გადადგომას ითხოვს. 

ავტორი: ,

სოციალური ქსელები

პაპუაშვილი ჰერჩინსკიზე: ჩვენს ისტორიაში ბნელი იყო უცხო ძალების გამუდმებული მცდელობა „ჩახუტებით გავეგუდეთ“

სუს: თანხების მითვისება-გაფლანგვისთვის დაკავებულია „კოდორიჰესების“ დეპარტამენტის უფროსი

პრინცი ჰარი მოულოდნელი ვიზიტით კიევს ეწვია

კობახიძემ თქვა, რომ რუბიოსთან დახურულ თემეზე ისაუბრა