„ინციდენტი, რომელიც ჩხუბში გადაიზარდა, ხდებოდა დღისით, მზისით საცხოვრებელი კორპუსის ეზოში. ამაში მონაწილეობდა ათეულობით ახალგაზრდა. არც ერთი, ამ ოთხი ადამიანის გარდა, არ საუბრობს დანის არსებობაზე“, - ამის შესახებ მთავარმა პროკურორმა ირაკლი შოთაძემ  საგანგებო ბრიფინგზე განაცხადა.

როგორც მან აღნიშნა, დანაშაულთან ბრძოლა საზოგადოების გვერდით დგომის გარეშე ურთულესია.

„ხაზი მინდა გავუსვა იმ საგამოძიებო პრობლემატიკას, რასაც გამოძიება ამ საქმის გამოძიებისას წააწყდა. როდესაც ვსაუბრობ ჩემს პასუხისმგებლობაზე, მე ეს პასუხისმგებლობა კარგად მაქვს გათვითცნობიერებული, მაგრამ ჩვენ ყველამ, მთელმა საზოგადოებამ უნდა გავაცნობიეროთ, რომ დანაშაულთან ბრძოლა მარტივი არ არის და საზოგადოების გვერდით დგომის გარეშე არის ურთულესი. მინდა ხაზი გავუსვა იმ საგამოძიებო პრობლემებს, რომლებსაც ჩვენ წავაწყდით საქმის სამართალწარმოებისას. ინციდენტი, რომელიც ჩხუბში გადაიზარდა, ხდებოდა დღისით, მზისით საცხოვრებელი კორპუსის ეზოში. ამაში მონაწილეობდა ათეულობით ახალგაზრდა. არც ერთი, ამ ოთხი ადამიანის გარდა, არ საუბრობს დანის არსებობაზე. ისინი ამბობენ, რომ მათ არ დაუნახავთ, ვის ეჭირა დანა. ამ 100 მოწმიდან, ვინც გამოძიებამ დაკითხა და შემდგომ ეს ადამიანები სასამართლოს წინაშე წარდგნენ, 14 მოწმე არის N51-ე სკოლელი. ისინი არიან მოკლულების მეგობრები და კლასელები. ვერც ერთი მათგანი ვერ აწვდის გამოძიებას ინფორმაციას, ვინ გამოიყენა დანა, ვის ჰქონდა დანა“, – განაცხადა  ირაკლი შოთაძემ.

მისივე თქმით, პროკურატურა საქმეს აუცილებლად გაასაჩივრებს და ყველაფერს გააკეთებს მართლმსაჯულების ბოლომდე აღსასრულებლად.

„ჩვენ ამ საქმეს აუცილებლად გავასაჩივრებთ სასამართლოში და ყველაფერს გავაკეთებთ იმისთვის, რომ მართლმსაჯულება ბოლომდე აღსრულდეს. ასევე, ჩავატარებთ ყველა საგამოძიებო მოქმედებას, ყველა სხვა საპროცესო მოქმედებას. ჩვენი დიდი სურვილია, ამ პროცესში, უცხოელ ექსპერტებთან ერთად, ჩაერთოს ბატონი ზაზა სარალიძე. ჩვენ ერთად გავაკეთოთ ყველაფერი, რომ აღვასრულოთ მართლმსაჯულება და საზოგადოებაში აღარ დარჩეს კითხვები განხორციელებული მართლმსაჯულების პროცესის მიმართ“, – აღნიშნა ირაკლი შოთაძემ.

ავტორი: ,

სოციალური ქსელები

ტრამპის ადმინისტრაციამ განაცხადა, რომ რუსეთის წინააღმდეგ სანქციები რამდენიმე ქვეყნის მოთხოვნის საფუძველზე შეამსუბუქა

ტრამპმა შეადგინა ნატოს „ურჩი“ ქვეყნების სია, რომლებიც ვაშინგტონის სურვილით, დაისჯებიან

საქართველო „ღია მმართველობის პარტნიორობიდან “ (OGP) გარიცხეს

გავარმიას ინფორმაციით, ბერა ივანიშვილის და კახი კალაძის სამეგობროს ჩხუბის შემდეგ, ივანიშვილის მეგობრები სუს-მა დააკავა