საქართველოს პრეზიდენტის საპარლამენტო მდივანი და მრჩეველი ადამიანის უფლებების საკითხებში ანა ნაცვლიშვილი და კახა კოჟორიძე ხორავას ქუჩაზე არასრულწლოვნების მკვლელობის საქმეზე დაზარალებულ ზაზა სარალიძეს შეხვდნენ და საქმის მიმდინარეობისა და გამოძიების შესახებ დეტალური ინფორმაცია მოისმინეს.

ანა ნაცვლიშვილის განცხადებით, პრეზიდენტის წარმომადგენლებს სურვილი ჰქონდათ, რომ ამ ძალიან ტრაგიკული საქმის შესახებ უშუალოდ დაზარალებულებისგან მიეღოთ ყველა დეტალი და ყველა ინფორმაცია უშუალოდ მათგან, პირადად მოესმინათ.

"ამ საქმეს თავიდანვე ჰქონდა არაერთი კითხვის ნიშანი და რაც უფრო გაგრძელდა გამოძიება სამწუხაროდ, ნაცვლად იმისა, რომ ეს კითხვები მოხსნილიყო და დამაჯერებელი პასუხები ყოფილიყო გაცემული, უფრო გამრავლდა. ამისთვის არსებობს მართლმსაჯულების სისტემა, რომ კითხვებზე, რომლებიც უჩნდება საქმესთან დაკავშირებით, როგორც დაზარალებულებს, ასევე მის წარმომადგენლებსა და საზოგადოებას, პასუხები გასცეს. იმდენად ბევრი კითხვაა დაგროვილი, რომ ჩვენ ბუნებრივია, ამ საქმეს მივადევნებთ ძალიან აქტიურად თვალს, შევხვდებით ყველა ჩართულ მხარეს და მოვისმენთ ყველა მოსაზრებას და პასუხებს იმ კითხვებზე, რომლებზეც ამ ეტაპისთვისაც კი დამაჯერებელი პასუხები გაცემული არ არის", - აღნიშნა ანა ნაცვლიშვილმა.

ავტორი: ,

სოციალური ქსელები

ტრამპის ადმინისტრაციამ განაცხადა, რომ რუსეთის წინააღმდეგ სანქციები რამდენიმე ქვეყნის მოთხოვნის საფუძველზე შეამსუბუქა

ტრამპმა შეადგინა ნატოს „ურჩი“ ქვეყნების სია, რომლებიც ვაშინგტონის სურვილით, დაისჯებიან

საქართველო „ღია მმართველობის პარტნიორობიდან “ (OGP) გარიცხეს

გავარმიას ინფორმაციით, ბერა ივანიშვილის და კახი კალაძის სამეგობროს ჩხუბის შემდეგ, ივანიშვილის მეგობრები სუს-მა დააკავა