ოკუპირებული სამხრეთ ოსეთის დე ფაქტო საგარეო საქმეთა სამინისტრო, ასევე ოკუპირებული აფხაზეთის დე-ფქტო პრეზიდენტის ადმინისტრაცია იუწყება, რომ სირიის არაბულმა რესპუბლიკამ მათი დამოუკიდებლობა აღიარა.

სირიის მხრიდან ე.წ სამხრეთ ოსეთის დე ფაქტო რესპუბლიკის აღიარებას გამოეხმაურა დე-ფაქტო პრეზიდენტი ანატოლი ბიბილოვი რომელმაც განაცხადა, რომ სირიის მიერ ცხინვალის აღიარება ისტორიული მომენტია.

"ახალი მეგობარი სჭირდება ყველას. მით უმეტეს იმ ქვეყნებს, რომლებიც რთულ ვითარებაში აღმოჩნდნენ. დარწმუნებული ვარ დიპლომატიური ურთიერთობის დამყარება, სასარგებლო იქნება როგორც სირიისთვის ასევე, სამხრეთ ოსეთისთვის", - განაცხადა ბიბილოვმა

ოკუპირებული აფხაზეთის დე ფაქტო პრეზიდენტმა რაულ ხაჯიმბამ აღნიშნა, რომ „აფხაზეთსა და სირიის არაბულ რესპუბლიკას შორის დიპლომატიური ურთიერთობების დამყარების შესახებ შეთანხმება დაიდო“.

„ჩვენ დიდად ვაფასებთ სირიის ხელისუფლების ამ ნაბიჯს და დარწმუნებულები ვართ, რომ ჩვენი ურთიერთობები ურთიერთპატივისცემისა და თანამშრომლობის სულისკვეთებით განვითარდება. დარწმუნებული ვარ, რომ უახლოეს დროში სირიაში მშვიდობა დამყარდება და მისი ხალხი მშვიდობიან ცხოვრებას დაუბრუნდება“, - განაცხადა რაულ ხაჯიმბამ.

ავტორი: ,

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში