|
2018-05-28 11:12:05, 1407 ნახვა
ეკონომიკა
ყველაზე ახალგაზრდა მევენახე გოგონა შულავერიდან
ლიკა ბოჭორიშვილი მარნეულის რაიონის სოფელ შულავერში ცხოვრობს. იგი რუსთავის შოთა რუსთაველის სახელობის სკოლა-ლიცეუმის მე-10 კლასის მოსწავლეა. ლიკა სკოლის გამორჩეული მოსწავლე და რეგიონის ერთ-ერთი ყველაზე ახალგაზრდა მევენახე და მეღვინეა. ბოჭორიშვილების ოჯახს სოფელ შულავერში, ორბელიანების უძველეს სავენახე ტერიტორიაზე, რომელიც 80-90 წლებში გაიჩეხა, რქაწითელის, თავკვერის, კაბერნეს, საფერავისა და ვარდისფერი რქაწითელის ვენახი აქვთ გაშენებული. მეურნეობის გაძღოლაში ლიკა განსაკუთრებული მონდომებითაა ჩართული. „ქვემო ქართლის რეგიონში ვაზის მოვლის უძველესი კულტურის აღორძინების დიდ საქმეში საკუთარი წვლილის შეტანა ჩემი უმთავრესი მიზანია. გაკვეთილების შემდეგ, შელავერში, ოჯახთან ერთად ვციდოლობ აქტიურად ვიყო ჩართული სამეურნეო საქმეებში. სკოლაში მიღებული ცოდნა კი საშუალებას მაძლევს უფრო პრაქტიკული და ნაყოფიერი რჩევებით დავეხმარო მშობლებს“, - ამბობს ლიკა. ახლახანს აჭარაში ჩატარებულ მეწარმე ქალთა პირველ ბიზნეს ფორუმში ლიკა ბოჭორიშვილმაც მიიღო მონაწილეობა. იგი დედასთან ერთად ცდილობს უძველესი ქართული ჯიშის ღვინოები აწარმოოს საკუთარ მეურნეობაში. ახალგაზრდა მეღვინეს იმედი აქვს, რომ მის საწარმოში წარმოებული ღვინოები მალე უცხოურ ბაზარზეც გავა. ლიკა არა მარტო ნიჭიერი მეწარმე, არამედ სკოლაშიც გამორჩეული მოსწავლეა. დროის დიდ ნაწილს იგი სკოლის ქალთა პანსიონატში ატარებს, სადაც მეცადინეობს და თავისუფალ დროს კი მეღვინეობისა და მევენახეობის შესახებ ლიტერატურას ეცნობა. დღეს სკოლის გამორჩეული მოსწავლე უკვე 6 ენას ფლობს. სკოლის მულტიკულტურულ გარემოში მან საფუძვლიანად შესწავლა ინგლისური, თურქული, აზერბაიჯანული, რუსული და ამ ეტაპზე გერმანულ ენასაც სწავლობს. შოთა რუსთაველის სახელობის სკოლა-ლიცეუმის დასრულების შემდეგ იგი სწავლის გაგრძელებას გერმანიაში, მეღვინეობა-მევენახეობის ფაკულტეტზე აპირებს, რათა მიღებული ცოდნით კიდევ უფრო გააფართოოს ოჯახური ბიზნესი.
(NS)
|
რედაქტორის რჩევით
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ომი უკრაინაში
რუსებმა ოდესაში საცხოვრებელი სახლები დაბომბეს, რის შედეგადაც ორი ადამიანი დაიღუპა და 15 დაშავდა
რუსებმა დნეპრის ცენტრში მაღალსართულიან შენობა დაბომბეს, რის შედეგადაც ორი ადამიანი დაიღუპა და 10 დაშავდა
ვიდეო/LIVE პატრიარქის ილია მეორის დაკრძალვა - პირდაპირი
2025 წელს, ემიგრანტების რიცხოვნობამ 114 374 კაცი შეადგინა, ყველა მათგანი შრომისუნარიანი იყო
დღის თემა
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|





epn.ge (@expressnews.ge)