|
2018-05-26 20:06:57, 1772 ნახვა
პოლიტიკა
საქართველოს და ფინეთის პრეზიდენტებმა ჰიბრიდული საფრთხეებთან დაკავშირებით თანამშრომლობის გაძლიერების საკითხები განიხილეს
საქართველოს პრეზიდენტი გიორგი მარგველაშვილი ფინეთის რესპუბლიკის პრეზიდენტს საული ნიინისტოს შეხვდა, რომელიც თბილისში პირველი სამუშაო ვიზიტით იმყოფება და საქართველოს პირველი დემოკრატიული რესპუბლიკის 100 წლისთავის აღსანიშნავად ეწვია. მხარეებმა ორმხრივი თანამშრომლობის განვითარების პერსპექტივები და საერთაშორისო ფორმატებში მრავალმხრივი ურთიერთობების გააქტიურების საკითხები განიხილეს. გიორგი მარგველაშვილის განცხადებით, საქართველოს სახელმწიფოებრიობის აღდგენის საიუბილეო თარიღთან დაკავშირებით საული ნიინისტოს ვიზიტი საქართველოში არა მარტო პატივს მიაგებს ჩვენი ქვეყნისათვის ამ განსაკუთრებულ თარიღს, არამედ ხაზს უსვამს საქართველოსა და ფინეთს შორის მეგობრულ ურთიერთობებს და კიდევ უფრო ამყარებს ჩვენს ქვეყნებს შორის არსებულ დინამიურ თანამშრომლობას. საქართველოს ოკუპირებულ ტერიტორიებზე შექმნილი ვითარება და რეგიონში არსებული უსაფრთხოების გარემო კიდევ ერთხელ პრეზიდენტების შეხვედრისას მხარეებს შორის დისკუსიის თემა გახდა. ფინეთი მხარს უჭერს საქართველოს ევროპულ ინტეგრაციას, სუვერენიტეტსა და ტერიტორიულ მთლიანობას, არაღიარების პოლიტიკას და დევნილთა გაეროს რეზოლუციას - სწორედ ამ პოზიციისათვის საქართველოს პრეზიდენტმა საული ნიინისტოს მადლობა გადაუხადა. როგორც შეხვედრისას აღინიშნა, საქართველო და ფინეთი დაკავშირებულნი არიან საერთო ინტერესებით, რაც ძირითადად სავაჭრო-ეკონომიკურ სფეროს, ტურიზმის განვითარებას და უსაფრთხოების სფეროს უკავშირდება. ამ მხრივ, უაღრესად მნიშვნელოვანია ჰიბრიდული საფრთხეების კონტექსტში ქვეყნებს შორის თანამშრომლობის გაძლიერება.
პეტერ ფიშერი შიო III-ს სრულიად საქართველოს კათოლიკოს-პატრიარქად არჩევას ულოცავს
შეიძინე კრიპტო თიბისის მობაილბანკში და მიიღე შანსი, დასაჩუქრდე YE, Kanye West-ის კონცერტის ბილეთებით
არჩეული პატრიარქის რუსული კავშირები
სააკაშვილი პატრიარქ შიო III-ს მოუწოდებს, ხელი შეუწყოს რუსული გავლენებისა და ნარატივების აღმოფხვრას
|
რედაქტორის რჩევით
არჩეული პატრიარქის რუსული კავშირები
არჩეული პატრიარქი შიო მესამედ იწოდა, ვინ იყვნენ შიო პირველი და შიო მეორე
ომი უკრაინაში
პუტინს სჯერა რომ უკრაინაში აგრესიულ ომს მალე დაასრულებს და უკრაინის შეიარაღებულ ძალებს გაანადგურებს
რუსების აგრესიის შედეგად, ერთ დღეში უკრაინის სამ რეგიონში თითქმის 20 ადამიანი დაიჭრა
ვიდეო/LIVE პატრიარქის ილია მეორის დაკრძალვა - პირდაპირი
არჩეული პატრიარქის რუსული კავშირები
დღის თემა
|





epn.ge (@expressnews.ge)