სამების საკათედრო ტაძრის ახალგაზრდულ ცენტრში სოციალური დაცვის ლიგის საოჯახო მეფრინველეობის განვითარების ცენტრის ორგანიზებით საქართველოს საოჯახო მეფრინველეობის ფორუმი გაიმართა.

ფორუმის მიზანი საქართველოში მეფრინველეობის პოპულარიზაცია და ამ მიმართულებით ქვეყნის პოტენციალის ზრდაა. ორგანიზატორების განცხადებით, საოჯახო მეფრინველეობის განვითარება ქვეყანაში შიდა და გარე შრომითი მიგრაციის პროცესებს შეანელებს და ხელს შეუწყობს თვითდასაქმებას.

საქართველოს საოჯახო მეფრინველეობის ფორუმი საქართველოს გარემოს დაცვისა და სოფლის მეურნეობის სამინისტროს, სსიპ სოფლის მეურნეობის სამეცნიერო-კვლევითი ცენტრის და საქართველოს საპატრიარქოს მხარდაჭერით ჩატარდა, სადაც მონაწილეობა ფერმერებმა, ადგილობრივმა კომპანიებმა და არასამთავრობოორგანიზაციებმამიიღეს. ფორუმს გარემოს დაცვისა და სოფლის მეურნეობის მინისტრის მოადგილე იური ნოზაძე და სოფლის მეურნეობის სამეცნიერო-კვლევითი ცენტრის დირექტორი ლევან უჯმაჯურუძე დაესწრო. იური ნოზაძის განცხადებით მეფრინველეობა მნიშვნელოვან ადგილს იკავებს სოფლის მეურნეობის სამეცნიერო-კვლევითი ცენტრის პროექტებში. სახელმწიფო ხელს უწყობს ფრინველების ადგილობრივი ჯიშების მოძიება, აღდგენა, შენარჩუნებასა და გაუმჯობესებას.

„სოფლის მეურნეობის განვითარებისათვის საქართველოს მთავრობა ახორციელებს სხვადასხვა სახელმწიფო მიზნობრივ პროგრამებს, კონკრეტულად საოჯახო მეფრინველეობის ხელშეწყობის მიზნით კი, მას შემდეგ რაც შესწავლილი იქნება დარგის სრული ღირებულებათა ჯაჭვი და დადასტურდება, რომ აღნიშნული სფერო არის რენტაბელური და იგი ხელს შეუწყობს მოსახლეობის სოციალურ-ეკონომიკური მდგომარეობის გაუმჯობესებას, სამინისტრო განიხილავს ხელშეწყობის სხვადასხვა გზებს“, - აღნიშნა იური ნოძაძემ.

სოციალური დაცვის ლიგის ორგანიზებით 2018 წლის 22-23 სექტემბერს თბილისში  საქართველოს მეფრინველეობის გამოფენა „Chicken-Georgia 2018"გაიმართება, რომელშიც ადგილობრივი ფერმერები ჩაერთვებიან.

(NS)

ავტორი: ,

სოციალური ქსელები

16 მაისიდან N304 მარშრუტზე 18-მეტრიანი ავტობუსები იმოძრავებენ

ასტრახანის მახლობლად, „გაზპრომის“ ქარხანას დრონებით თავდასხმის დროს ცეცხლი გაუჩნდა

საფრანგეთის საელჩო - საფრანგეთი წარმატებებს უსურვებს ახალ პატრიარქს სულიერი მისიის შესრულებაში საქართველოს ერთიანობის სამსახურში

მოსკოვის საპატრიარქოს მილოცვა - ჩვენ დიდად ვაფასებთ იმ ფაქტს, რომ თქვენი ცხოვრების ნაწილი დაკავშირებულია მოსკოვთან