პირი, რომელიც გუშინ მთავრობის ადმინისტრაციასთან ლგბტ აქტივისტს თავს დაესხა, დაკავებული არ არის.

როგორც „ექსპრესნიუსს“ შინაგან საქმეთა სამინისტროში განუცხადეს, დაკავებული არასრულწლოვანი აღმოჩნდა, ამიტომ არასრულწლოვანთა მართლმსაჯულების კოდექსის შესაბამისად, მისი დაკავება არ მომხდარა.

თუმცა, როგორც სამინისტროში აღნიშნეს, ეს არ ნიშნავს, რომ თავდამსხმელი პასუხისგებაში არ მიეცემა.

„გრძელდება საგამოძიებო მოქმედებები, რომ იგი მიეცეს სისხლის სამართლის პასუხისგებაში“, - აცხადებენ შსს-ში.

შეგახსენებთ, გუშინ, მთავრობის ადმინისტრაციის შენობასთან ჰომოფობიისა და ტრანსფობიის წინააღმდეგ ბრძოლის დღესთან დაკავშირებით, აქცია გაიმართა. აქციის მიმდინარეობისას, მოქალაქემ ერთ-ერთ გამომსვლელს ფიზიკური შეურაცხყოფა მიაყენა და გაქცევა სცადა. იგი სამართალდამცველებმა ადგილზე დააკავეს. რაც შეეხება დაშავებულს, მას სასწრაფო სამედიცინო დახმარება დასჭირდა. მისი მდგომარეობა დამაკმაყოფილებელია.

ავტორი: ,

სოციალური ქსელები

Bloomberg: ევროკავშირი უკრაინაში Starlink-ის პრობლემების შემდეგ თავდაცვის გაძლიერებას განიხილავს:

კალაძე - რეალურად არ არსებობდა არანაირი ე.წ. NGO სექტორი და პოლიტიკური პარტიები, ეს იყო ერთი ძალა

700 დღე პროტესტი საქართველოში: დაღლასა და დანებებას შორის

ჩერგოლეიშვილი – ყველა აქციიდან გავყრი სააკაშვილის იმ 30 ბანდერლოგს, რომელიც აქციის მესიჯის დისციპლინას თვითმარქვია ბელადის ბანერებით დაარღვევს