„ჩვენი ყველას ინტერესია, რომ საქართველოს პროგრესი ნატო-ს სამიტზე იყოს შესაბამისად აღნიშნული“, - ამის შესახებ პრემიერ-მინისტრმა გიორგი კვირიკაშვილმა პრეზიდენტის რეზიდენციაში, ეროვნული უშიშროების საბჭოს სხდომის შემდეგ ჟურნალისტებს განუცხადა.

როგორც მან აღნიშნა, შეხვედრაზე სამიტისთვის მოსამზადებელ სამუშაოებთან ერთად, რეგიონში არსებულ საფრთხეებზე, რუსეთის ოკუპაციაზე და თავდაცვის რეფორმირების მიმდინარეობაზე ისაუბრეს.

„ნატო-ს სამიტისთვის მოსამზადებელ სამუშაოზე გვქონდა საუბარი. ჩვენი ყველას ინტერესია, რომ საქართველოს პროგრესი ამ გზაზე იყოს შესაბამისად აღნიშნული. კონკრეტულად საუბარი იყო თუ რა ფორმით უნდა იყოს აღნიშნული, რომ ამ გადაწყვეტილებამ მაქსიმალურად დაგვაახლოვოს ნატო-ს წევრობასთან, რაც არის ჩვენი საერთო მიზანი. ამისთვის არსებობს რამდენიმე ვერსია. ასევე გვქონდა საუბარი რეგიონში უსაფრთხოების დღევანდელ სურათზე, შესაბამის საფრთხეებზე. ბუნებრივია საუბარი გვქონდა რუსეთის ოკუპაციაზე. ასევე რეგიონში მიმდინარე სხვა  მოვლენებზე. მოვისმინეთ შესაბამისი უწყებების ინფორმაცია და გვქონდა მსჯელობა თუ საქართველომ რა ნაბიჯები უნდა გადადგას უსაფრთხოებისა და სტაბილურობისთვის. ასევე იყო საუბარი თავდაცვის რეფორმის მიმდინარეობაზე. მინისტრმა წარმოადგინა ინფორმაცია და გვქონდა განხილვა თუ რა ნაბიჯები უნდა გადაიდგას. საკმაოდ მნიშვნელოვანი და დატვირთული შეხვედრა იყო“, - განაცხადა პრემიერმა.

ავტორი: ,

სოციალური ქსელები

WSJ: დუბაის სასამართლომ რუსეთიდან საწვავის 700 მილიონი დოლარის გაყიდვები გაყინა

მოსკოვის ციხეში პუტინის კიდევ ერთი კრიტიკოსი რეჟისორი ალექსანდრ კონდრატოვი გარდაიცვალა

AnchorGPC-ის დაბადების დღეზე საქართველოს ბანკის მომხმარებლები სპეციალური შეთავაზებით ისარგებლებენ

ისარგებლე ყოველდღე ქეშბექ შეთავაზებებით საქართველოს ბანკის SUPER ნაკრების ფარგლებში