„ეს არის პირველი ვიზიტი, როდესაც ჩვენს ქვეყანაში მსოფლიო ბანკის 10 აღმასრულებელი დირექტორია ჩამოსული და მათი ვიზიტის მნიშვნელობა ძალიან მაღალია", – ამის შესახებ დიმიტრი ქუმსიშვილმა საქართველოს პრემიერ-მინისტრსა და მსოფლიო ბანკის ჯგუფის აღმასრულებელ დირექტორებს შორის მთავრობის ადმინისტრაციაში გამართული შეხვედრის შემდეგ განაცხადა.

 „ჩვენ ახლა მსოფლიო ბანკთან ვიმყოფებით პროცესში, როცა უნდა დამტკიცდეს ქვეყნის ჩარჩო-ხელშეკრულება შემდგომ 4-5 წელიწადზე. რა თქმა უნდა, მნიშვნელოვანია, რომ აღმასრულებელმა დირექტორებმა, რომლებიც არიან საბჭოს წევრები, თვითონვე მოისმინონ ასე ვთქვათ, პირველი ხელიდან იმ რეფორმების შესახებ, რომლებიც ქვეყანაში მიმდინარეობს და შესაბამისად განსაზღვრონ, თუ რა საჭიროება აქვს ჩვენს ქვეყანას საჭირო  რეფორმებისა და ინფრასტრუქტურის დასაფინანსებლად. საქართველოს  პრემიერ-მინისტრმა დეტალურად გააცნო მათ ის რეფორმები,  რომლებიც ჩვენს ქვეყანაში მიმდინარეობს და ჩვენ მივიღეთ სრული მხარდაჭერა მსოფლიო ბანკისგან", - აღნიშნა დიმიტრი ქუმსიშვილმა.

პირველი ვიცე-პრემიერის თქმით, შეხვედრაზე მხარეებმა ისაუბრეს 2019-2022 წლებში დაგეგმილ პროექტებზე, რომლებიც მსოფლიო ბანკის დაფინანსებით განხორციელდება. მინისტრის განცხადებით, მუშავდება  მსოფლიო ბანკთან სამომავლო თანამშრომლობის სტრატეგია, რომელიც სრულ თანხვედრაში იქნება საქართველოს მთავრობის რეფორმების 4-პუნქტიან გეგმასთან.

მსოფლიო ბანკი საქართველოში მიმდინარე რეფორმების ერთ-ერთი ყველაზე მტკიცე და სტრატეგიული მხარდამჭერია. 25-წლიანი თანამშრომლობის განმავლობაში, საქართველოში ბანკის 100-ზე მეტ პროექტში, დაახლოებით, 4.3 მილიარდი აშშ დოლარის მოცულობის ინვესტიცია განხორციელდა.

(NS)

ავტორი: ,

სოციალური ქსელები

მელანია ტრამპმა რუსეთსა და უკრაინას შორის ცეცხლის შეწყვეტის ზონის გაფართოება გამოაცხადა

ეგზიტპოლი: ნეთანიაჰუს პარტია „ლიკუდი“ისრაელის არჩევნებში ლიდერობს, თუმცა მის ბლოკს აბსოლუტური უმრავლესობა არ გააჩნია

თურქეთმა პოლონეთში, Starlink-ის სადგურზე მომხდარი ცეცხლის წაკიდების საქმეზე 85 ადამიანი დააკავა

გერმანელების თითქმის 90% თვლის, რომ მთავრობა ვერ უმკლავდება ქვეყნის პრობლემებს