|
2018-05-12 23:23:46, 1884 ნახვა
სამართალი
ნარკორეალიზაციის ბრალდებით დაკავებულებს ბრალი წარუდგინეს, მათ ადვოკატებს კი, გაუთქმელობაზე მოაწერინეს ხელი
ნარკორეალიზაციის ბრალდებით დაკავებულ 8 პირს ბრალი წარუდგინეს. მათ გამოძიება დიდი ოდენობით ნარკოტიკული ნივთიერების შეძენა-შენახვას და გასაღებას ედავება. ამასთან, ადვოკატები აცხადებენ, რომ საქმის დეტალებზე ვერ ისაუბრებენ, რადგან გაუთქმელობაზე აქვთ ხელი მოწერილი „რაც შეეხება გამოძიებაში არსებულ ცნობებს, მე ვერ გეტყვით იმიტომ, რომ ხელი მაქვს მოწერილი გაუთქმელობაზე. ძალიან დიდი ემოციური ფონი მოჰყვა ამ ყველაფერს. ამ მტკიცებულების გახმაურება გარკვეულწილად დააზარალებს, მათი აზრით, გამოძიებას. ვფიქრობ, რომ ეს ასე არ არის იმიტომ, რომ ხალხმა უნდა იცოდეს, რა მოხდა და როგორ მოხდა“, – განაცხადა ერთ-ერთი დაკავებულის ადვოკატმა ირაკლი ჩუტკერაშვილმა. კიდევ ერთი ადვოკატი ნინო ლალიაშვილი ამბობს, რომ მისი დაცვის ქვეშ მყოფი არა კლუბში ან მის მიმდებარე ტერიტორიაზე, არამედ დიღომში დააკავეს. ამსთან, ადვოკატ გიორგი ფანცულაიას განცხადებით, კლუბში არც მისი დაცვის ქვეშ მყოფი დაუკავებიათ. „საქმის მასალები, მიუხედავად იმისა, რომ ბრალის წარდგენა მოხდა, ჯერჯერობით არ გადმოგვეცა. შესაბამისად, რამდენად დასაბუთებული არის პროკურატურის მოთხოვნა, ამ ეტაპზე ამაზე საუბარი, შეუძლებელია“, - განაცხადა ფანცულაიამ. შეგახსენებთ, გვიან ღამით კლუბ „ბასიანსა“ და კაფე „გალერიში“ სპეცოპერაცია ჩატარდა, რომლის ფარგლებშიც, შსს-ს ცნობით 8 ნარკორეალიზატორი დააკავეს. უწყების ცნობით, დაკავებულების მიერ კლუბში ნარკოტიკული საშუალების გასაღების თითოეულ ფაქტზე პოლიციას გააჩნია მოსამართლის განჩინების საფუძველზე განხორციელებული ვიდეოჩანაწერი.
„საზოგადოება იწყებს დაღლას.“ პუტინის რეიტინგი საპენსიო რეფორმის შემდეგ მკვეთრად დაეცა.
საააპელაციო სასამართლომ საბა ჯიქიას გამამტყუნებელი განაჩენი ძალაში დატოვა
DRI: კრიტიკული მედიისთვის სახელმწიფო საგადასახადო ინსტრუმენტს შერჩევითად იყენებს
ოპოზიციის ალიანსი: დიუშენის შემთხვევამ ცხადყო, რამდენად მოშლილია სახელმწიფო ინსტიტუცია
|
რედაქტორის რჩევით
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ომი უკრაინაში
რუსებმა ოდესაში საცხოვრებელი სახლები დაბომბეს, რის შედეგადაც ორი ადამიანი დაიღუპა და 15 დაშავდა
რუსებმა დნეპრის ცენტრში მაღალსართულიან შენობა დაბომბეს, რის შედეგადაც ორი ადამიანი დაიღუპა და 10 დაშავდა
ვიდეო/LIVE პატრიარქის ილია მეორის დაკრძალვა - პირდაპირი
2025 წელს, ემიგრანტების რიცხოვნობამ 114 374 კაცი შეადგინა, ყველა მათგანი შრომისუნარიანი იყო
დღის თემა
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|





epn.ge (@expressnews.ge)