პარლამენტთან სადაც საპროტესტო აქცია მიმდინარობს, ხალხის ნაკადი არ წყდება.

აქციის ორგანიზატორები შეკრებილ მოქალაქეებს სიტყვით მიმართავენ.

ისინი აცხადებენ, რომ აღნიშნული აქცია არის ქვეყნის მოქალაქეების საერთო პროტესტის გამოხატულება.

„ეს არის ბრძოლა თემის წინააღმდეგ. რომელიც სხვანაირად გამოიყურება, რომელსაც აქვს სხვა ორიენტაცია და სხვანაირი აზროვნება.  ჩვენ არ ვიბრძვით და ჩვენ არ ვართ ე.წ ბასიანელები, ჩვემ ვიბრძვით თავისუფლეისთვის. ეს არის არის უკნაყოფიელბა ნარკოპოლიტიკასთან დაკავშირებით. ეს არის ტრიბუნა, რომელიც ზოგად უკმაყოფილებას გამოხატავს. ქვეყანაში კი უკმაყოფილების დონე ყველა საკითხში იკვეთება. მოგიწოდებთ ყველას, ვისაც რამის თმის სურვილი გაქვთ, აქ მოხვიდეთ და ამ ტრიბუნასთან გამოხვიდეთ. თქვენ არ უნდა  მეტროს თანამშრომელები რომელსაც გაფიცვის საშუალება არ მისცეს. არ უნდა დავივიწყოთ ჩვენი პანკისელი ძმები, რომლებსაც  თემირლანი მოუკლეს, არ დაგვავიწყდეს ადამიანები,რომლებიც სიღარიბეში ხოვრობენ. ჩვენ ყველას გვაქვს ერთი საერთო ტკივილი და ეს ტკივილი ჩვენი ქვეყანაა“,- განაცხადა აქციის მონაწილემ.

აქციაში ასევე რუსეთის რამდენიმე მოქალაქე მონაწიელობს.  ერთ-ერთმა მათგანმა ტრიბუნიდან შეკრებილ მოსახლეობა სიტყვით მიმართა და მომიტინგეებს სოლიდარობა გამოუცხადა.

აქციის მონაწილეების მთავარი მოთხოვნებია: დაუყოვნებლივ დატოვოს თანამდებობა პრემიერმა გიორგი კვირიკაშვილმა; უპირობოდ გადადგეს საკუთარ ხალხზე მოძალადე შს მინისტრი გიორგი გახარია; დაისაჯოს 12 მაისის შავი პარასკევის ძალადობრივ ოპერაციაზე პასუხისმგებელი ყველა პირი; მმართველ ძალაში ხალხის მხარეს მყოფი პოლიტიკოსები გაემიჯნონ ხელისუფლების მიერ არჩეულ ძალადობრივ კურსს.

ავტორი: ,

სოციალური ქსელები

თავს დაესხნენ უცხო ქვეყნის მოქალაქეებს, სცემეს და ტელეფონები გასტაცეს- დაკავებულია 4 არასრულწლოვანი

ტრამპმა საფონდო ბირჟის მკვეთრ ვარდნაში დემოკრატები დაადანაშაულა

საგარეჯოში, ძმების დამამძიმებელ გარემოებაში ჩადენილი განზრახ მკვლელობის ფაქტზე ერთი პირი დააკავეს

Bloomberg: ფონ დერ ლაიენმა პოლონეთის პრეზიდენტთან პრესკონფერენციაზე უარი თქვა, ამით მხარი ტუსკს დაუჭირა