თბილისის ტექნოპარკში სარეკლამო სფეროს ყველაზე მასშტაბური ფესტივალი - Cannes Lions 2018-ის ადგილობრივი ახალგაზრდული შესარჩევი კონკურსი Young Lions Georgia დაიწყო. კონკურსი სამი დღის განმავლობაში, 11, 12 და 13 მაისს გაგრძელდება.

Young Lions Georgia საქართველოში უკვე მეოთხედ ტარდება, მონაწილეების რაოდენობა კი ყოველწლიურად იზრდება. 2018 წლის ახალგაზრდულ კონკურსში 168 გუნდი იასპარეზებს, რაც ამ დროისთვის რეკორდული რაოდენობაა.

შესარჩევი კონკურსი უკვე მეორე წელია ხუთ კატეგორიაში მიმდინარეობს: PRINT, DESIGN, CYBER, FILM და MARKETERS. თითოეულ კატეგორიას აფასებენ ჟიურის პროფესიონალი წევრები სხვადასხვა ქვეყნიდან. ამასთან, წელს ყველაზე მეტი 40-40 გუნდი დარეგისტრირდა ციფრული კამპანიისა და ბეჭდური მედიის გატეგორიებში, 34 ახალგაზრდა მარკეტერებში, 28 - ვიდეო რეკლამის, ხოლო 26 დიზაინის კატეგორიაში.

თითოეული კატეგორიის გამარჯვებული გუნდი ორგანიზატორების დაფინანსებით გაემგზავრება საფრანგეთში, კანის კრეატიულ ფესტივალზე და საქართველოს სახელით შეებრძოლება მსოფლიოს სხვა საუკეთესო მეტოქეებს ინდუსტრიის ერთ-ერთი ყველაზე პრესტიჟული ჯილდოსთვის.

მომდევნო 3 წლის განმავლობაში, კანის ფესტივალის წარმომადგენლობის მხარდამჭერი იქნება თიბისი, ხოლო 2018 წლის კონკურსს შემოუერთდნენ Socar Georgia Petroleum და თბილისის მერია. მედია პხარდამჭერია Marketer.ge.

კანის ლომების საერთაშორისო ფესტივალი ყველაზე მასშტაბური და მნიშვნელოვანი მოვლენაა მსოფლიოს სარეკლამო სფეროში, რომელიც 1954 წელს იღებს სათავეს და ყოველწლიურად ქალაქ კანში იმართება. ფესტივალის სიმბოლოა ლომი. ოქროს, ვერცხლისა და ბრინჯაოს ლომების მოსაპოვებლად მთელი მსოფლიოს სარეკლამო ინდუსტრიის პროფესიონალები იბრძვიან. კანის ლომის ფლობა განსაკუთრებულ სტატუსს სძენს ფლობელს. ახალგაზრდა ლომების კონკურსი კანის ფესტივალის ერთ-ერთი ნაწილია. აქ სფეროს ამომავალი ვარსკვლავები უმტკიცებენ ერთმანეთს თავიანთ სიძლიერეს სხვადასხვა მიმართულებაში.

http://www.canneslions.ge

https://www.facebook.com/canneslionsgeorgia/

(NS)

ავტორი: ,

სოციალური ქსელები

მელანია ტრამპმა რუსეთსა და უკრაინას შორის ცეცხლის შეწყვეტის ზონის გაფართოება გამოაცხადა

ეგზიტპოლი: ნეთანიაჰუს პარტია „ლიკუდი“ისრაელის არჩევნებში ლიდერობს, თუმცა მის ბლოკს აბსოლუტური უმრავლესობა არ გააჩნია

თურქეთმა პოლონეთში, Starlink-ის სადგურზე მომხდარი ცეცხლის წაკიდების საქმეზე 85 ადამიანი დააკავა

გერმანელების თითქმის 90% თვლის, რომ მთავრობა ვერ უმკლავდება ქვეყნის პრობლემებს