„რეგლამენტში არ არის საქმე, აქ საქმე არის იმაში, რომ კონსტიტუციის გარანტის მიმართ, მთავარ საკნონმდებლო ორგანოში დაირღვა სიტყვის და გამოხატვის თავისუფლება“, - ამის შესახებ პრეზიდენტმა გიორგი მარგველაშვილმა წლიური ანგარიშის დროს დებატების დატოვებასთან დაკავშირებით „იმედის“  ეთერში განაცხადა.

წამყვანის კითხვაზე, იყო თუ არა შესაძლებელი პრეზიდენტს დეპუტატებისთვის დასკვნით სიტყვაში ეპასუხა და დებატები არ დატოვებინა, მარგველაშვილმა აღნიშნა, რომ ეს შესაძლებელი იყო, თუმცა სხვა ფორმა აირჩია.

„დაკარგა ტაქტის გრძნობა იმ გარემომ, რომელიც პარლამენტში იყო. ერთ-ერთმა გამომსვლელმა თქვა, მოიყვანეთ აქ დამისვითო და შეაჩერეს სხდომა, რომ შემოვეყვანეთ შესვენებაზე გასული მესამე კლასელივით. ამ მომენტში მე გადავწყვიტე, ერთი ასეთი რეპლიკა მეთქვა, თქვენ თუ აქ დაგიჯდებათ პოლიტიკოსი, ვისაც თავის საპარლამენტო გამოსვლას გააწყვეტინებენ და ეტყვიან, რომ შენ საუბრის უფლება არ გაქვს და ის პოლიტიკოსი პროტესტს არ გამოხატავს, დარჩება პარლამენტში და იტყვის, როდის მექნება საუბრის უფლება, ის პოლიტიკოსად არ გამოდგება და ვერ იქნება ქვეყნის ლიდერი. მე დავიწყე საუბარი, პარლამენტის თავმჯდომარემ გამაწყვეტინა, შემდეგ კენჭისყრა გამოაცხადა, რომელიც იურისპროდენციის ისტორიაში შევა, როგორც ერთ-ერთი ბრილიანტი, მიუხედავად ამისა, ვიჯექი ჩემ კაბინეტში და ველოდებოდი პატივცემულ პარლამენტს, სიტყვის უფლებას პრეზიდენტის წლიური ანგარიშის დროს. აქ რეგლამენტში არ არის საქმე, აქ საქმე არის რომ კონსტიტუციის გარანტის მიმართ, მთავარ საკნონმდებლო ორგანოში დაირღვა სიტყვის და გამოხატვის თავისუფლება“, - განაცხადა გიორგი მარგველაშვილმა.

ავტორი: ,

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში