დედაქალაქის მერი ძალოსნობის საერთაშორისო ფედერაციის დაჯილდოების ცერემონიას დაესწრო, რომელზეც ქართველი სპორტსმენი, ოლიმპიური, მსოფლიოსა და ევროპის ჩემპიონი,  მსოფლიოს რეკორდსმენი ლაშა ტალახაძე 2017 წლის მსოფლიოს საუკეთესო ძალოსნად დასახელდა.

კახა კალაძემ ძალოსანს ჯილდო პირადად მიულოცა, ხოლო ღონისძიების დამსწრე სპორტსმენებს თბილისის მერიის მიერ დაგეგმილ კამპანიაში ჩართვისკენ მოუწოდა.

„მინდა მივულოცო ჩემს მეგობარ ლაშას ეს მნიშვნელოვანი ჯილდო და წარმატება ვუსურვო. მინდა რომ ყოველთვის აღვნიშნავდეთ მის წარმატებას და გამარჯვებას, რადგან ეს ჩვენი ხალხის, ჩვენი ქვეყნის გამარჯვებაა. ნამდვილად მეამაყება ლაშა, ის საამაყო ქართველია. აქ ბევრი ჩემი მეგობარი სპორტსმენი იმყოფება ახლა, ამიტომ მინდა ვისარგებლო შემთხვევით და მოგახსენოთ, რომ ჩვენ ახლო მომავალში ვიწყებთ ძალიან მნიშვნელოვან კამპანიას, რათა ჩვენს ახალგაზრდებს ვუთხრათ, თუ რამდენად მნიშვნელოვანია სპორტი, ჯანსაღი ცხოვრების წესი. მაქვს იმედი, რომ თქვენც ჩაერთვებით და გადავარჩენთ ჩვენს მომავალ თაობას“, - განაცხადა კახა კალაძემ.

ცერემონიაზე, ასევე, დაჯილდოვდა 2017 წლის საუკეთესო სპორტსმენი ქალი,  ოლიმპიური, მსოფლიოსა და ევროპის ჩემპიონი, ესპანელი ლიდია ვალენტინი, რომელმაც წლის საუკეთესო ძალოსანი ქალის ტიტული უკვე მეორედ მოიპოვა.

აღსანიშნავია, რომ დაჯილდოების ცერემონიის თბილისში გამართვის გადაწყვეტილება ძალოსნობის საერთაშორისო ფედერაციამ (IWF) მიიღო. მსგავსი ტიპის დაჯილდოების ცერემონია საქართველოში აქამდე არ ჩატარებულა. ასევე, პირველი შემთხვევაა, როცა ძალოსნობის საერთაშორისო ფედერაციის მიერ ჩატარებულ გამოკითხვაში, რომელიც 1982 წლიდან ტარდება, გამარჯვება ქართველმა ძალოსანმა მოიპოვა.

(NS)

ავტორი: ,

სოციალური ქსელები

თავს დაესხნენ უცხო ქვეყნის მოქალაქეებს, სცემეს და ტელეფონები გასტაცეს- დაკავებულია 4 არასრულწლოვანი

ტრამპმა საფონდო ბირჟის მკვეთრ ვარდნაში დემოკრატები დაადანაშაულა

საგარეჯოში, ძმების დამამძიმებელ გარემოებაში ჩადენილი განზრახ მკვლელობის ფაქტზე ერთი პირი დააკავეს

Bloomberg: ფონ დერ ლაიენმა პოლონეთის პრეზიდენტთან პრესკონფერენციაზე უარი თქვა, ამით მხარი ტუსკს დაუჭირა