რუსეთი დნესტრისპირეთში, საქართველოსა და უკრაინაში რომ არ შეჭრილიყო, ნატო საკუთარ სამხედრო წარმომადგენლობას არ გააძლიერებდა, - ამის შესახებ ნატოს სამხედრო კომიტეტის თავმჯდომარემ გენერალმა, პეტრ პაველმა განაცხადა.

მან პრაღაში გამართულ ნატო-ს სტრატეგიული კომუნიკაციების საერთაშორისო კონფერენციაზე სიტყვით გამოსვლისას აღნიშნა, რომ  რუსეთს არ მოსწონს ახლანდელი მსოფლიო წესრიგი, რომელიც ლიბერალური დემოკრატიის დასავლურ ნიმუშს ეფუძნება და სურს ის იმგვარად შეცვალოს, რომ ეს წესრიგი  მის ეროვნულ მოდელს შეესაბამებოდეს.

„რუსეთი დნესტრისპირეთში, საქართველოსა და უკრაინაში რომ არ შეჭრილიყო და ყველა საერთაშორისო სტანდარტი ფეხქვეშ არ გაეთელა, ნატო აღმოსავლეთ და სამხრეთ ფლანგზე საკუთარ სამხედრო წარმომადგენლობას არ გააძლიერებდა.  უნდა აღინიშნოს, რომ უმეტესად რუსეთი არ ახორციელებს კლასიკურ სამხედრო აგრესიას, არამედ ამისთვით ჰიბრიდულ საშუალებებს, კერძოდ, მედიაში და სოციალურ ქსელებში პროპაგანდას იყენებს“,- განაცხადა პაველმა.

 გენერალმა ალიანსის ქვეყნებს ერთიანობისკენ მოუწოდა და აღნიშნა, რომ  რუსეთი სწორედ ამ ერთობის დანგრევას ცდილობს.

„ჩვენ ოპონენტებს უნდა ვაჩვენოთ რომ აგრესია ძვირად დაუჯდებათ  და გამარჯვებისთვის  ნაკლები შანსი აქვთ“,- აღნიშნა პაველმა.

ავტორი: ,

სოციალური ქსელები

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში

საგარეჯოში თანასოფლელმა ქორწილში მიმავალი ორი ძმა მოკლა, მესამემ თავს გაქცევით უშველა