საქართველოს შეიარაღებული ძალების გენერალური შტაბის უფროსმა ბრიუსელში ვიზიტი დაასრულა.

თავდაცვის სამინისტროს ინფორმაციით, გენერალ-მაიორი ვახტანგ კაპანაძე საქართველოში დღეს დილით დაბრუნდა.

ნატოს შტაბ-ბინაში გენერალური შტაბის უფროსების დონეზე ნატოს სამხედრო კომიტეტის შეხვედრები გაიმართა.

ნატოს სამხედრო კომიტეტისა და საქართველოს მე-8 სხდომაზე გენერალმა შეხვედრის მონაწილეებს რეგიონში არსებული უსაფრთხოების გარემო და ნატო-საქართველოს არსებითი პაკეტის იმპლემენტაციის მიმდინარეობა გააცნო. საქართველოს შეიარაღებული ძალების გენერალური შტაბის უფროსი ურთიერთთავსებადობის პლატფორმის ფორმატში ნატოს სამხედრო კომიტეტის პირველ შეხვედრასა და ავღანეთში მტკიცე მხარდაჭერის მისიის ფორმატში გამართულ ნატოს სამხედრო კომიტეტის მე-6 სხდომას დაესწრო.

ბრიუსელში ვიზიტისას გენერალ-მაიორმა ვახტანგ კაპანაძემ ორმხრივი შეხვედრებიც გამართა. იგი ევროპაში მოკავშირე ძალების უმაღლესი მთავარსარდლის მოადგილეს, გენერალ სერ ადრიან ბრედშოუს, ასევე, ორმხრივ ფორმატში უკრაინელ და ბრიტანელ კოლეგებს შეხვდა.

საქართველოს შეიარაღებული ძალების გენერალური შტაბის უფროსმა ალიანსის შტაბ-ბინაში ნატოს მისიებში დაღუპული სამხედროების პატივსაცემად გვირგვინის დადების ცერემონიალშიც მიიღო მონაწილეობა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა