თავდაცვის მინისტრის თინა ხიდაშელი სხვადასხვა საბრძოლო მოქმედებების მონაწილე დაჭრილ მეომრებს შეხვდა.

შეხვედრაზე თინა ხიდაშელმა სამხედროებისგან მათი სოციალური პრობლემების შესახებ ინფორმაცია მოისმინა და ჯარისკაცებს მათი პრობლემების მოგვარებას დაპირდა.

„შეხვედრა მქონდა დაჭრილ მეომრებთან. სხვადასხვა საბრძოლო მოქმედებების მონაწილეები იყვნენ, როგორც აგვისტოს ომის, ასევე სამშივდობო ოპერაციების დროს დაჭრილი ჩვენი მეომრები. პირველივე დღიდან ვთქვი, რომ ჩემი ერთ-ერთი საზრუნავი ეს ადამიანები არიან, მათი სოციალური პრობლემების მოგვარება. საკითხები ბევრი აქვთ, მათ შორის მნიშვნელოვანი ნაწილი საკანონმდებლო რეგულირებას საჭიროებს. ჩვენ პირობა მივეცით, რომ ერთი თვის განმავლობაში ყველა კონოპროექტი  მზად გვექნება. კონკრეტულ ინიციატივას პირველ რიგში მათთან გავივლით, თუ როგორ შეიძლება, რომ ეს საკითხები დავარეგულიროთ და შემდეგ, დიდი იმედი მაქვს, საქართველოს პარლამენტი მხარს დაუჭერს ამ ინიციატივას. ბუნებრივია ფინანსთა სამინისტროს მხარდაჭერაც დაგვჭირდება ძალიან კონკრეტული თემების მოგვარებაში, რომელიც ამ ადამიანებს აწუხებთ. გადაუჭრელი არაფერია. ეს ადამიანები უზარმაზარ პატივისცემას იმსახურებენ, ამიტომ ჩვენი ვალდებულებაა მათი საკითხები მოვაგვაროთ“, - განაცხადა თინა ხიდაშელმა.

მისივე ინფორმაციით, ამ კატეგორიის სამხედრო მოსამსახურეების საკითხებზე თავდაცვის სამინისტროში სპეციალური დეპარტამენტის შექმნა იგეგმება.

„დაგეგმილი გვაქვს ახალი დეპარტამენტის შექმნა, რომელიც სწორედ ამ საკითხებზე იქნება ორიენტირებული. ამ წუთის მდგომარეობით თავდაცვის სამინისტროში ერთი ადამიანი მუშაობდა მხოლოდ ამ თემებზე, ამ პრობლემატიკაზე. მე ორი მრჩეველი მყავს სამწუხაროდ, რომელიც ამ თემებზე იმუშავებს. მინისტრის მოადგილის პირდაპირი ვალდებულება იქნება ამ საკითხების კურირება. ვფიქრობ, უნდა არსებობდეს სპეციალური უწყება, სადაც მივა ეს ხალხი და ეცოდინებათ ვის უნდა ელაპარაკონ და ღარ იქნება დანეულობა და გაურკვევლობა“,- განაცხადა თინა ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა