მაღალმთიანი აჭარის გაზიფიცირების პროექტი დასკვნით ეტაპზეა.

მიმდინარე სამუშაოებს აჭარის ფინანსთა და ეკონომიკის მინისტრი რამაზ ბოლქვაძე, პირველ მოადგილესთან დავით მაკარაძესთან ერთად გაეცნო.

აჭარის მთავრობის პრესსამსახურის ინფორმაციით, ამ დროისთვის სამუშაოების 65% შესრულებულია.  შუახევის დასრულების შემდეგ, უკვე სრულდება ქედის გაზიფიცირებაც.

პროექტის ფარგლებში სამუშაოები უკვე დასრულებულია შუახევის მუნიციპალიტეტში, სოფელი ხიჭაურიდან ქედამდე და დაბა ქედიდან სოფელ პირველ მაისამდე.

ამ ეტაპზე სამუშაოები ერთდროულად მიმდინარეობს: ახალშენში, პირველ მაისში. გაზის მილები უკვე ჩადებულია 39 კილომეტრზე. სამუშაოებში ჯამში 80 ადგილობრივია დასაქმებული. პროექტი პირველ ეტაპზე 11 000 აბონენტის გაზიფიცირებას უზრუნველყოფს. 65 კმ მანძილზე სამუშაოები 2019 წლის გაზაფხულზე დასრულდება.

გაზსადენის დანიშნულება სამი მუნიციპალიტეტის: ხელვაჩაურის, ქედის და შუახევის ბუნებრივი გაზით უზრუნველყოფაა. გაზსადენის ტრასა სოფელ სალიბაურიდან სოფელ ერგემდე ადგილობრივი მნიშვნელობის საავტომობილო გზას მიუყვება. სოფელ ერგედან ხიჭაურის დასახლებამდე კი - ბათუმი-ახალციხის საავტომობილო გზას. გაზსადენის საერთო სიგრძე 65 162 მეტრია. ის 11 000 აბონენტის გაზიფიცირებას უზრუნველყოფს. გაზსადენის სამშენებლო ღირებულება 25 850 000 ლარია.

(NS)

ავტორი: ,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times