გერმანიის კანცლერის ანგელა მერკელის შეფასებით, სირიაში სამხედრო ჩარევა აუცილებელი და გამართლებული იყო, - ამის შესახებ DW იუწყება.

როგორც მერკელმა აღნიშნა, მსგავსი ნაბიჯებით უნდა შენარჩუნდეს მსოფლიო ბოიკოტი ქიმიური იარაღის წინააღმდეგ.

„ჩვენ მხარს ვუჭერთ იმ ფაქტს, რომ ჩვენმა ამერიკელმა, ბრიტანელმა და ფრანგმა მოკავშირეებმა ეს პასუხისმგებლობა საკუთარ თავზე აიღეს. სამხედრო ჩარევა აუცილებელი და გამართლებული ნაბიჯი იყო, რათა შენარჩუნდეს ქიმიური იარაღის მიმართ მსოფლიო ბოიკოტი და სირიული რეჟიმი მომდევნო შეცდომებისგან დავიცვათ", - განაცხადა მერკელმა.

ცნობისთვის, დღეს დილით, საერთაშორისო კოალიციამ, რომელშიც აშშ, საფრანგეთი და ბრიტანეთი შედის, სირიაზე სარაკეტო დარტყმა განახორციელეს. სარაკეტო დარტყმას მსოფლიო ლიდერები უკვე გამოეხმაურნენ. საერთაშორისო კოალიციის ქმედებებს მხარი ევროკავშირმა, ჩრდილოატლანტიკურმა ალიანსმა და ევროპის სხვადასხვა ქვეყნებმა დაუჭირეს. რაც შეეხება რუსეთს, ქვეყნის პრეზიდენტმა ვლადიმერ პუტინმა გაერო-ს უშიშროების საბჭოს საგანგებო სხდომა მოიწვია და სირიაზე განხორციელებული იერიში დაგმო.

ავტორი: ,

სოციალური ქსელები

სერბეთის საპარლამენტო არჩევნებში მმართველმა პარტიამ ისტორიული მარცხი განიცადა, ვუჩიჩმა სტუდენტებთან დამარცხება აღიარა

საქართველო ივანიშვილის გარეშე დიდი საპროტესტო აქცია თბილისში - ვიდეო

პრაღაში ათიათასობით ადამიანი საზოგადოებრივი მაუწყებლობის რეფორმის წინააღმდეგ საპროტესტო აქციას მართავს

აშშ-ის ბინძური საარჩევნო რბოლა:შეურაცხყოფა და დამცირება, რა ხდება არჩევნებამდე