„უსამართლობის გამოსწორება არ უნდა მოხდეს ისეთი ხისტი მექანიზმებით, რომლებიც ახალი უსამართლობის გაჩენის საფუძველი შეიძლება გახდეს”,- ამის შესახებ ადამიანის უფლებათა დაცვის კომიტეტის თავმჯდომარის მოადგილემ, გედევან ფოფხაძემ სახალხო დამცველის რეკომენდაციის კომენტირებისას განაცხადა, რომელიც ძველ საქმეებთან დაკავშირებით სამართლებრივი მექანიზმის გაჩენას ითვალიწინებს. 
მისივე თქმით, სახალხო დამცველის რეკომენდაციის გაზიარება სავალდებულო არაა.
 „ეს ზოგადი რეკომენდაციაა, რომელსაც ყველა ვეთანხმებით, მაგრამ სამართლებრივ მექანიზმზე ჯერ ვერ შევთანხმდით. მექანიზმი, რომელიც შეიქმნება, თუ ეს რეკომენდაცია იქნება გაზიარებული, უნდა იყოს ისეთი, რომ მან არ უნდა დააზარალოს მართლმსაჯულების სისტემა ან ზოგადი პრინციპები. ძალიან ფაქიზი თემაა. ერთი მხრივ ჩვენ უნდა ვეცადოთ უსამართლობის გამოსწორებას, მეორე მხრივ უსამართლობის გამოსწორება არ უნდა მოხდეს ისეთი ხისტი მექანიზმებით, რომლებიც ახალი უსამართლობის გაჩენის საფუძველი შეიძლება გახდეს. ჩვენ გვინდა ოპტიმალური მექანიზმი, რომლითაც შევეხებით წარსულ მოვლენებს, კანონში შესულ გამამტყუნებელ განაჩენებს და შევეცდებით იქ ვითარების გამოსწორებას და ამის სამართლიანად შემობრუნებას. ეს ძალიან რთულია, რადგან სამართლებრივი სისტემა ამაზე არაა მორგებული. მეორეს მხრივ, ჩვენს გვაქვს მორალური ვალდებულება, რომ სამართლიანობისთვის ვიბრძოლოთ“, - განაცხადა გედევან ფოფხაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Euromoney Markets Awards - თიბისი საქართველოში ობლიგაციების ბაზრის საუკეთესო ბანკია

ევროპარლამენტის ვიცე-პრეზიდენტმა ოლეშკიში ჰუმანიტარული კატასტროფის გამო შიმშილობა გამოაცხადა

ტრამპის სპეციალური წარმომადგენელი მოლაპარაკებებისთვის რუსეთში გაემგზავრა

მთავრობის ადმინისტრაცია ილია მეორის დაკრძალვის ხარჯებზე - სარეზერვო ფონდიდან 3 მილიონი გამოიყო, შემდეგ კი ეს თანხა 722 645 ლარამდე დაკორექტირდა და 2 277 355 ლარი ბიუჯეტში დაბრუნდა