რუსული მედიაჰოლდინგი „გაზპრომ-მედია“, რომელსაც НТВ-ПЛЮС-ის ბრენდი ეკუთვნის, საქართველოს ფასიან სატელევიზიო ბაზარზე შემოდის. ამის შესახებ ინფორმაცია,  კომპანიის საიტზე გამოქვეყნდა.

„გაზპრომ-მედიას“ გენერალური დირექტორის, დიმიტრი ჩერნიშენკოს განცხადებით,  „გაზპრომ-მედიას“ უკვე აქვს თანამშრომლობის პოზიტიური გამოცდილება ქართულ კომპანია „მედია ჯგუფთან“, რომელიც ჰოლდინგის 20-ზე მეტი ტელეარხის ექსკლუზიური დისტრიბუტორია. საზღვარგარეთ ჩვენ მედიაკონტენტზე არსებული დიდი მოთხოვნა ამ პარტნიორობის პოტენციალზე მიუთითებს“.

 ასევე, НТВ-ПЛЮС- ის გენერალური დირექტორი მიხაილ დომინი ამბობს, რომ საქართველოში მაუწყებლობის დაწყების მიზანი მხოლოდ ბიზნესი არაა და მათ სოციალური მისიაც აქვთ.

“გეოგრაფიული ექსპანსია ჩვენი სტრატეგიული პრიორიტეტებია. საქართველო, რასაკვირველია, არის პერსპექტიული ბაზარი, მაგრამ ჩვენ ვთვლით, რომ საქართველოში მაუწყებლობის დაწყება არა მარტო ბიზნეს საქმეს წარმოადგენს. ჩვენთვის მნიშვნელოვანია ასევე სოციალური მისია. მომავალში ჩვენ არ გამოვრიცხავთ დსთ-ს ქვეყნებში შესვლას", - განაცხადა დომინმა.

კომპანია „მედია ჯგუფის“ გენერალური დირექტორის დავით ნაკაშიძის განცხადებით, „НТВ-плюс“-ი ძლიერი და ცნობილი ბრენდია, რომელიც ხარისხიან სატელევიზიო პროდუქტს აწარმოებს.

„საქართველოში რუსულ არხებზე და ლეგალურ რუსულენოვან კონტენტზე მოთხოვნა არსებობს. დარწმუნებული ვარ, რომ ეს წინადადება საქართველოში აბონენტებს დააინტერესებს“, - აღნიშნა  დავით ნაკაშიძემ.

რუსულმა ტელემაუწყებელმა საქართველოში ლიცენზია უკვე მიიღო. რუსული კომპანია გეგმავს ქართველი მაყურებლისთვის ორი პაკეტის შეთავაზებას. პირველში 50-მდე არხი შევა, მეორეში კი 90-ზე მეტი. კომპანია წლის ბოლომდე 30 000 აბონენტის მოზიდვას აპირებს. 

ავტორი: ,

სოციალური ქსელები

საქართველოში რუსეთის ინტერესების სექცია - ახალი პატრიარქის არჩევის შესახებ ამბავი რუსეთში დიდი ენთუზიაზმით მიიღეს

ავსტრიამ ორჯერ ჩაჭრა აშშ-ის საჰაერო ძალების თვითმფრინავები ფრენის ნებართვის გარეშე

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა

სამეფო ოპერის თეატრმა დიდი ბრიტანეთის პრემიერ-მინისტრს პაატა ბურჭულაძის საქმეში ჩარევისკენ მოუწოდა