ევროპის საბჭოს მინისტრთა კომიტეტმა 2017 წლის ანგარიში გამოაქვეყნა. იუსტიციის სამინისტროს ინფორმაციით, დოკუმენტში იმ დადებით ტენდენციებზეა საუბარი, რაც სტრასბურგის სასამართლოს გადაწყვეტილებების აღსრულების კუთხით ქვეყანაში არსებობს.

„ანგარიშში დადებითადაა შეფასებული სტრასბურგის სასამართლოს გადაწყვეტილებებისა და განჩინებების აღსრულების საპარლამენტო კონტროლის მექანიზმის შექმნა, რომელიც საქართველოში 2016 წლიდან დაინერგა. მინისტრთა კომიტეტი მიიჩნევს, რომ საქართველოში გაუმჯობესდა გამოძიების დამოუკიდებლობისა და ეფექტურობის საკითხები ისეთი მნიშვნელოვანი მიმართულებებით, როგორიცაა: პოლიციის მიერ ძალის გადამეტება, არასათანადო მოპყრობა (მათ შორის, წინასწარი დაკავების იზოლატორებში); ამასთან, უზრუნველყო დაზარალებულთა ჩართულობა სამართლებრივ პროცესში.

ამასთანავე, ევროპის საბჭოს მინისტრთა კომიტეტი ანგარიშში აღნიშნავს იმ ძირითად მიღწევებს, რაც ეხება საქართველოს მიმართ საბოლოო რეზოლუციებით დახურულ საქმეებს. კერძოდ, სასამართლოს მანდატურის მიერ პირის დაკავებისას განჭვრეტადი მექანიზმის დანერგვას; საქმის საჯარო განხილვა უკეთ არის გარანტირებული და მხარეთა თანასწორობის პრინციპი დაცულია. ანგარიშის მიხედვით, კანონმდებლობით უზრუნველყოფილია უკანონო პატიმრობის გასაჩივრებისა და კომპენსაციის მიღების უფლება. დოკუმენტში ხაზგასმულია, რომ საქართველოს მიერ მიღებული საკანონმდებლო ცვლილებები  საბჭოთა ეპოქის რეპრესიების მსხვერპლთათვის კომპენსაციას ითვალისწინებს.

მინისტრთა კომიტეტი დადებითად აფასებს, აგრეთვე, საარჩევნო უფლებების რეალიზაციის კუთხით ქვეყანაში მოქმედ მექანიზმებს.

დოკუმენტის თანახმად, 2017 წელს მინისტრთა კომიტეტმა საქართველოს მიმართ აღსრულების ზედამხედველობა 13 საქმეზე დახურა, რაც შარშანდელ მონაცემზე ორჯერ მეტია“,-ნათქვამია იუსტიციის სამინისტროს მიერ გავრცელებულ ინფორმაციაში.

(NS)

ავტორი: ,

სოციალური ქსელები

საფრანგეთში გამართულ საპროტესტო აქციებში თითქმის 1.6 მილიონი ადამიანი მონაწილეობდა

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ