მთავრობის სხდომაზე მიღებული გადაწყვეტილებით „მაღალმთიან რეგიონებში სახელმწიფო საკუთრებაში არსებული სათიბ-საძოვრების რაციონალურად გამოყენების“ სახელმწიფო პროგრამაში ცვლილებები შევიდა. 

2018 წელს კიდევ უფრო მეტი კოოპერატივი შეძლებს ჩაერთოს სახელმწიფო პროგრამაში და მიიღოს სარგებელი. პროგრამაში ცვლილებებით მაღალმთიან რეგიონში მოქმედი დამატებით  10 სასოფლო-სამეურნეო კოოპერატივი შეძლებს  პროგრამაში ჩართვას. 

გასულ წელს 21 მაღალმთიანი მუნიციპალიტეტიდან   პროგრამაში 29 სასოფლო-სამეურნეო კოოპერატივი ჩაერთო, რომელშიც მაღალმთიან რეგიონში მცხოვრები 851 პირია გაერთიანებული. მათ  25 წლიანი იჯარით  გადაეცემათ სათიბ-საძოვრები  და  საქონლის საკვებწარმოებისათვის თანადაფინანსებით  ტრაქტორები გუთნით, როტაციული და სეგმენტური სათიბელათი, ფოცხით, მოთიბული მასის დამწნეხით და მისაბმელით ტვირთის ტრანსპორტირებისათვის.

სახელმწიფო პროგრამაში ცვლილებები ასევე ითვალისწინებს  დმანისის, წალკის და ახალქალაქის მუნიციპალიტეტებში რძის მიმღებ -გადამამუშავებელი საწარმოების აშენებას და აღჭურვას.  (თითოეული საწარმო დღიურად 10 ტონა რძის გადამუშავებას შეძლებს ) რაც შეეხება პროგრამით უკვე გათვალისწინებული რძის საწარმოს მშენებლობას, დუშეთის მუნიციპალიტეტში, უკანაფშავის  ადმინისტრაციულ ერთეულში მიმდინარეობს  საწარმოს მშენებლობისათვის მოსამზადებელი სამუშაოები.  

სახელმწიფო პროგრამის ფარგლებში აშენებული ოთხივე საწარმო პირდაპირი მიყიდვის წესით, შეღავათიან ფასად გადაეცემა სასოფლო-სამეურნეო კოოპერატივებს, რომლებიც დააკმაყოფილებენ პროგრამით დადგენილ მოთხოვნებს. 

საწარმოების გამოსყიდვა პროგრამით დადგენილი წესით  8 წლის განმავლობაში მოხდება.

„მაღალმთიან რეგიონებში სახელმწიფო საკუთრებაში არსებული სათიბ-საძოვრების რაციონალური გამოყენება“ კიდევ ერთი სახელმწიფო პროგრამაა, რომელიც სოფლად მცხოვრები მოსახლეობის ეკონომიკური მდგომარეობის  გაუმჯობესებას და მათთვის კეთილდღეობის შექმნას შეუწყობს ხელს.

(NS)

ავტორი: ,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times