რუსეთის საგარეო საქმეთა მინისტრის მოადგილე გრიგორი კარასინი ჟენევის დისკუსიების ფორმატის რეფორმირებას არ გამორიცხავს.

ამის შესახებ მან ჟურნალისტებს ჟენევის დისკუსიების 43-ე რაუნდის დასრულების შემდეგ განუცხადა.

„აქ სავარაუდოდ ივნისში შევხვდებით და შესაძლოა, ვიფიქროთ იმაზე, თუ როგორ განვახორციელოთ ჟენევის დისკუსიების მუშაობის რეფორმირება, რათა შევწყვიტოთ რაღაც ტექსტების განხილვა. შესაძლოა, ვისაუბროთ რამე კონკრეტულ პროექტებზე, ურთიერთობების გეგმებზე საზოგადოებრივი ორგანიზაციებს, მოსახლეობას შორის. მოკლედ, ამ ორი თვის განმავლობაში უნდა ვიფიქროთ“, - განაცხადა კარასინმა

რაც შეეხება ჟენევის დისკუსიებში ჩართვასთან დაკავშირებით, პრემიერ-მინისტრ გიორგი კვირიკაშვილის მოსაზრებას, კარასინმა აღნიშნა, რომ ამაზე რუსულ მხარეს ჯერ არ უფიქრია.

„ჩვენ ამაზე ჯერ არ გვიფიქრია. ვფიქრობთ, იქნებ ჟენევის დისკუსიების რეფორმაზე დავფიქრდეთ, რადგან ძალიან ბევრს ვერ ვაღწევთ აქ. კარგია, რომ ადამიანები ჩამოდიან და ურთიერთობენ, ეს უკვე არის სტაბილურობის ფაქტორი“, – განაცხადა რუსეთის საგარეო საქმეთა მინისტრის მოადგილემ.

ავტორი: ,

სოციალური ქსელები

საგარეჯოში თანასოფლელმა ქორწილში მიმავალი ორი ძმა მოკლა, მესამემ თავს გაქცევით უშველა

თბილისის მერია - ე.წ. ცხოველთა დამცველები დაკავებულები არიან დესტრუქციული ქმედებებით - მოვუწოდებთ შესაბამის ორგანოებს, შეისწავლონ საქმე და მისცენ მას სამართლებრივი რეაგირება

კრიშტიანუ რონალდუმ ოფიციალურად დაასრულა სანაკრებო კარიერა

ევროპაში რამდენიმე საათში 16-მა თვითმფრინავმა ბომბის შესახებ შეტყობინება მიიღო