საქართველოს ისტორიაში ყველაზე მსხვილი გარიგების შედეგად, რომლის ღირებულებამაც 153 მილიონი აშშ დოლარი შეადგინა, კომპანია „სილქნეტი“ ინტერნეტს, საკაბელო ტელევიზიას და ფიქსირებულ სატელეფონო კავშირის მომსახურებას „ჯეოსელის“ მობილურ სერვისთან გააერთიანებს.

როგორც დღეს გამართულ პრესკონფერენციაზე აღნიშნა, გაერთიანებული კომპანია მომხმარებლებისთვის ინოვაციური პროდუქტების და სერვისის უფრო ფართო არჩევანს და საერთაშორისო ექსკლუზიურ კონტენტზე გაზრდილ წვდომას უზრუნველყოფს.

სილქნეტის მიერ ჯეოსელის შეძენას საქართველოს კომუნიკაციების ეროვნული კომისია მიმდინარე წლის 13 მარტს დაეთანხმა. გარიგების დაფინანსება 133 მილიონი აშშ დოლარის საკრედიტო რესურსით 9 ბანკისგან შემდგარი სინდიკატის მეშვეობით „თიბისი ბანკმა“ უზრუნველყო.

„მნიშვნელოვანი გარიგება იყო არამარტო „სილქნეტისთვის“ არამედ, მთლიანად ეკონომიკისათვის. მნიშვნელოვანი იყო და უპრეცედენტო ქართული საბანკო სექტორისათვის. ამ გარიგებაში მონაწილეობდა 9 ქართული ბანკი და ამის აღიშვნა არის აუცილებელი. აქ საკრედიტო რესურსის მიწოდებაზეა საუბარი და ჩვენ 133 მილიონის ფარგლებში დავაფინანსეთ ეს გარიგება“, - ვახტანგ ბუცხრიკიძემ.

პრესკონფერენციაზე დამსწრე საზოგადოებას საქართველოს პირველმა ვიცე-პრემიერმა, ეკონომიკისა და მდგრადი განვიტარების მინისტრმა დიმიტრი ქუსიშვილმაც მიმართა. მან „თიბისი ბანკს“ ფინანსური მხარდაჭერისთვის მადლობა გადაუხადა და აღნიშნა, რომ გაერთიანებული ახალი დიდი კომპანია ბაზრისათვის ინოვაციური პროდუქტების შეთავაზებას შეძლებს.

„მე ვფიქრობ რომ ეს არის ყველაზე დიდი გარიგება, რომელიც ჩვენ ქვეყანაში ოდესმე მომხდარა და რა თქმა უნდა თავისი შინაარსით ეს არის წამახალისებელი კონკურენციის. ჩვენ ვართ დაწმუნებულები რომ გაერთიანებული ახალი დიდი კომპანია შეძლებს ინოვაციური პროდუქტების შეთავაზებას ბაზრისათვის რაც თავის მხრივ გამოიწვევს მომსახურეობის ხარისხის გაზრდას. ხოლო კონკურენცია თავის მხრივ ახალი პროექტების გაჩენას ბაზარზე.  რა თქმა უნდა ფინანსური მხარდაჭერის გარეშე ამხელა ტრანზაქცია ვერ მოხდებოდა და  ჩვენ გვერდით არის  „თიბისი“ ბანკი, რომელსაც მე კომპანიის სახელითაც დ მთავრობის სახელითაც მინდა მადლობა გადავუხადო აღნიშნული გარიგების სტრუქტურიზებისათვის. ვინაიდან ზოგადად ასეთი გარიგებები მარტივი არ არის დასასტრუქურირებლად“,- განაცხადა დიმიტრი ქუმსიშვილმა.

 „სილქნეტის“ სამეთვალყურეო საბჭოს თავმჯდომარის, „სილქ როუდ ჯგუფის“ დამფუძნებელის, გიორგი რამიშვილის განცხადებით, კომპანიის განვითარებისთვის მომდევნო ხუთი წლის განმავლობაში 400 მილიონი ლარის ინვესტიცია იგეგმება.

„სილქნეტი“ უკვე გაერთიანებული აქტივებით იწყებს ოპერირებას ბაზარზე. ჩვენი უმთავრესი მიზანია მომხმარებელს მივაწოდოთ უფრო მეტი ინოვაციური პროდუქტი და მაღალი კლასის მომსახურება. კომპანიის განვითარებისთვის მომდევნო ხუთი წლის განმავლობაში 400 მილიონი ლარის ინვესტიციას ვგეგმავთ. ამის წინაპირობა საქართველოს მთავრობის და საქართველოს კომუნიკაციების ეროვნული კომისიის მიერ ტელესაკომუნიკაციო მომსახურების ბაზარზე თანასწორი, ჯანსაღი კონკურენტული გარემოს უზრუნველყოფა. დარწმუნებული ვარ, განახლებული კომპანია მეტ სიკეთეს მოუტანს როგორც ქვეყანას, ასევე თითოეულ მომხმარებელს“ ,–განცხადა გიორგი რამიშვილმა.

პროცესის მიმდინარეობისას საერთაშორისო კომპანიებმა „ჰულიჰან ლოკიმ“ და „ერნჰოლმ ჰასკელმა“ „სილქნეტის ფინანსური მრჩევლების მოვალეობა შეასრულეს, ხოლო კომპანია „დენტონსი“ იურიდიული მრჩეველი იყო. პროცესში ასევე ჩართულები იყვნენ  KPMG და წამყვანი გლობალური სატელეკომუნიკაციო ოპერატორ Orange-ის შვილობილი საკონსულტაციო კომპანია „სოფრეკომი“ (Sofrecom). თავად „სილქნეტი“ 2014 წლიდან Orange Aliance-ის წევრია, რაც მას მოწინავე ტექნოლოგიებსა და საუკეთესო პრაქტიკასთან წვდომას აძლევს.

(R)

ავტორი: ,

სოციალური ქსელები

The National Interest: ახალი ინიციატივა შესაძლოა ცენტრალურ აზიასა და სამხრეთ კავკასიაში ძალთა ბალანსს შეცვლის

საბერძნეთი შეუერთდა რუსეთის აგრესიის საკითხთან დაკავშირებით სპეციალური ტრიბუნალს

პუტინმა უგულებელყო ტუაფსეში მომხდარი „დიდი ეკოლოგიური კატასტროფა“

ჯუანშერ ბურჭულაძეს 10-წლიანი პატიმრობა მიესაჯა