"ჩემი დაჟინებული თხოვნაა და ვფიქრობ დემური გაითვალისწინებს, რომ ის უნდა დარჩეს მთავრობაში“, - ასე გამოეხმაურა აჭარის ა/რ მთავრობის თავმჯდომარე არჩილ ხაბაძე აჭარის ტურიზმისა და კურორტების დეპარტამენტის თავმჯდომარის დემურ დიასამიძის განცხადებას თანამდებობიდან წასვლის შესახებ.

როგორც ხაბაძემ აღნიშნა, დიასამიძის წასვლა მთავრობისთვის ძალიან დიდი დანაკლისი იქნება.

„არ დავმალავ, დემური ფიქრობს, რომ კერძო სექტორში წავიდეს, მაგრამ ჩემი დაჟინებული თხოვნაა და ვფიქრობ გაითვალისწინებს, რომ ის უნდა დარჩეს მთავრობაში. ის არის ჩემი გუნდის წევრი და ვფიქრობ, რომ ჩვენ ერთად ძალიან ბევრი გავაკეთეთ და მისი პოტენციალის, შესაძლებლობების გაშვება ხელიდან იქნება ჩვენი მთავრობისთვის ძალიან დიდი დანაკლისი“, - განაცხადა ხაბაძემ.

ამასთან, როგორც აჭარის მთავრობის თავმჯდომარემ აღნიშნა, დემურ დიასამიძეს მთავრობაში სხვა თანამდებობას შესთავაზებს, თუმცა რა თანამდებობაზეა საუბარი, არჩილ ხაბაძეს არ დაუკონკრეტებია.

„გადაყვანას ვაპირებთ სხვა პოზიციაზე, უფრო დავაწინაუროთ და იქ სადაც უფრო მნიშვნელოვანია და კიდევ უფრო მტკივნეული თემებია გასაკეთებლი, ვფიქრობთ იქ უნდა მოხდეს შესაბამისი კადრის გადაყვანა. არ გამოვრიცხავ, თვის დასაწყისში სხვა ღონისძიებებსაც“, - განაცხადა არჩილ ხაბაძემ.

ცნობისთვის, აჭარის მთავრობის საქვეუწყებო დაწესებულების ტურიზმისა და კურორტების დეპარტამენტის თავმჯდომარემ, დემურ დიასამიძემ თანამდებობა დატოვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამოქალაქო საზოგადოება: ოცნების კამპანია ქვეყნის სახელმწიფოებრიობას აზიანებს, საჯარო სივრცეში ტერმინ „რუსოფობიის“ ხელოვნურად დამკვიდრების ცდილობს

რუსეთში წიწიბურას ფასები კვლავ გაიზარდა

ირანზე გამარჯვება ხელიდან ეცლება: ტრამპი სულ უფრო მეტად ემუქრება მოკავშირეებს - Washington Post

ფესტივალი ZEIMI - ქართული კულტურისა და გემოს დღესასწაული ნიუ-იორკში თიბისის მხარდაჭერით გაიმართება