აჭარის ტურიზმის დეპარტამენტმა გიდებისთვის პრაქტიკული სახელმძღვანელო  გამოუშვა. „გიდის პროფესია“  ასე ქვია წიგნს, რომლის პრეზენტაციაც დღეს სასტუმრო ვინთემში გაიმართა. შეხვედრა აჭარის ტურიზმის დეპარტამენტის თავმჯდომარე სულხან ღლონტმა სიტყვით გახსნა.

თავმჯდომარემ სახელმძღვანელოს შექმნის მიზანზე, მნიშვნელობასა და გიდებისთვის პროფესიული განვითარების აუცილებლობაზე გაამახვილა ყურადღება.

„ეს სახელმძღვანელო იქნება სამაგიდო წიგნი მოქმედი და დამწყები გიდებისთვის. გიდი არის ქვეყნის სახე და სწორედ მასზეა დამოკიდებული ჩვენი ქვეყნის წარმოჩენა სტუმრებთან, ამიტომ მნიშვნელოვანია ის საჭიროა ფლობდეს ზუსტ ინფორმაციას ჩვენი ქვეყნის ისტორიის, კულტურული მემკვიდრეობისა და ტურისტული მარშრუტების შესახებ. ჩვენ აქტიურად ვზრუნავთ რეგიონში მოქმედი გიდების კვალიფიკაციის ამაღლების კუთხით და მხოლოდ გასულ წელს 100-მდე გიდი გადავამზადეთ მთიანი აჭარისა და ბათუმის ტურისტული მარშრუტების მიმართულებით. ვფიქრობ, მხოლოდ განათლების დონის ამაღლებით შეგვიძლია იმ გამოწვევებთან გამკვლავება, რაც ამ სფეროში გვაქვს. ბუნებრივია, ერთი წიგნით არ ვაპირებთ გაჩერებას და წელსაც ვგეგმავთ მეორე ნაწილის დაბეჭდვას, რაც უშუალოდ ღვინის მიმართულებას დაეთმობა,“ განაცხადა აჭარის ტურიზმის დეპარტამენტის თავმჯდომარე სულხან ღლონტმა.

წიგნის პრეზენტაციას აჭარის განათლების, კულტურისა და სპორტის მინისტრი ინგა შამილიშვილი,  რეგიონში მოქმედი გიდები, ტურისტული სააგენტოების, პროფესიული და საგანმანათლებლო დაწესებულებების წარმომადგენლები ესწრებოდნენ.  სტუმრებს თავმჯდომარის პირველმა მოადგილე თამარ კაიკაციშვილმა წიგნის შინაარსი გააცნო.

სახელმძღვანელოს  მიზანია დაეხმაროს მოქმედ და დამწყებ გიდებს პროფესიის ათვისებასა და დახელოვნებაში. წიგნი, რომლის პირველი ნაწილიც წელს გამოიცა აღწერილია ისეთი მნიშვნელოვანი საკითხები როგორებიცაა: ექსკურსია და მისი არსი, გიდის მიერ ექსკურსიის მომზადება, ტურისტებთან ურთიერთობა და კონფლიქტური სიტუაციების მართვა, ექსკურსიის ჩატარების ხელოვნება, სამედიცინო კომპეტენციები და პირველადი სამედიცინო დახმარება. გარდა ამისა, წიგნში განთავსებულია საქართველოს, აჭარის მოკლე ისტორია და ძირითადი ტურისტული მარშრუტები.

გიდის პრაქტიკული სახელმძვანელოს I ნაწილი დაეთმო გიდის პროფესიის თეორიულ ნაწილს, რომელიც დამუშავდა ნიკო კვარაცხელიას სახელმძღვანელოს „გიდის ხელოვნება“ და მისივე სალექციო კურსის მიხედვით.  მეორე ნაწილის გამოცემა, რომელიც უშუალოდ ღვინის ტურისტულ მიმართულებას დაეთმობა  2018 წელს იგეგმება.  გიდების პრაქტიკული სახელმძღვანელო შეხვედრის დასასრულს გიდებს საჩუქრად გადაეცათ.

(NS)

ავტორი: ,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times