აშშ-ის პრეზიდენტმა დონალდ ტრამპმა ვლადიმერ პუტინს რუსეთის საპრეზიდენტო არჩევნებში გამარჯვება ტელეფონით მიულოცა. ამის შესახებ ინფორმაცია კრემლის პრესსამსახურმა გაავრცელა. 

“ლიდერებმა მოსაზრებები სხვადასხვა მიმართულებით ურთიერთობის პრაქტიკულ განვითარებაზე გამოთქვეს, მათ შორის სტრატეგიული სტაბილურობისა და საერთაშორისო ტერორიზმთან ბრძოლის მიმართულებით“, - ნათქვამია უწყების მიერ გავრცელებულ განცხადებაში. 

მათი ინფორმაციით,  პრეზიდენტებმა   შეხვედრის შესაძლებლობაც განიხილეს.

“საერთო ჯამში, საუბარი კონსტრუქციული და საქმიანი იყო და რუსულ-ამერიკულ ურთიერთობებში დაგროვილი პრობლემების გადაჭრისკენ იყო მიმართული, ასევე განიხილეს სირიაში არსებული პრობლემა. შეთანხმდნენ რომ რეგიონში კომფლიქტი მალე უნდა მოგვარდეს. “, - იუწყება კრემლის პრესსამსახური.

მანამდე, ამერიკის შეერთებული შტატების პრეზიდენტის ადმინისტრაციაში აცხადებდნენ, რომ  აშშ-ის და რუსეთის პრეზიდენტების სატელეფონო საუბარი დაგეგმილი არ არის.

ცნობისთვის, რუსეთში საპრეზიდენტო არჩევნები 18 მარტს ჩატარდა. არჩევნებში კვლავ მოქმედმა პრეზიდენტმა, ვლადიმერ პუტინმა გაიმარჯვა. რუსეთის ცესკოს ცნობით, პუტინმა ამომრჩეველთა ხმების 76.6% მიიღო.

ავტორი: ,

სოციალური ქსელები

სახალხო დამცველის აპარატი: გიორგი ფეიქრიშვილს უსაფრთხოებასთან დაკავშირებით პრეტენზიები არ აქვს

არეულობები ბარსელონაში - 128 ადამიანი დააკავეს, ათობით მაღაზია დაზიანდა

ფეიქრიშვილების დედა ამბობს, რომ მისი შვილის საკანში ვატო ყიფიანი შევიდა - პენიტენციური ფაქტს უარყოფს - ვიდეო

ფიგურული ციგურაობაში მეტელკინა-ბერულავას წყვილმა საფრანგეთის გრანპრიზე ოქროს მედალი მოიპოვა