„უნდა იცოდეთ შესაძლო ანტიბრიტანული განწყობის შესახებ“ - ლონდონი რუსეთში მყოფ საკუთარ მოქალაქეებს რეკომენდაციებით მიმართავს

2018-03-15 13:32:57, 1985 ნახვა

მსოფლიო

დიდი ბრიტანეთის საგარეო საქმეთა სამინისტრო რუსეთთან პოლიტიკური დაძაბულობის ფონზე, საკუთარი მოქალაქეებისთვის რეკომენდაციებს აქვეყნებს.

შესაბამისი რეკომენდაციები, რომელიც რუსეთში მგზავრობისას შესაძლო რისკებს ეხება, ბრიტანეთის საგარეო უწყების ვებგვერდზეა გამოქვეყნებული.

ბრიტანეთის საგარეო საქმეთა სამინისტრო რუსეთში მყოფ საკუთარ მოქალაქეებს მიმართავს, ნებისმიერი პროტესტის ფორმას თავი აარიდონ და პოლიტიკურ მოვლენებთან დაკავშირებით საჯარო პუბლიკაციები არ გამოაქვეყნონ.

"დიდ ბრიტანეთსა და რუსეთს შორის პოლიტიკური დაძაბულობის გაძლიერების გამო, უნდა იცოდეთ შესაძლო ანტიბრიტანული განწყობის, ან მიმდინარე პერიოდში აგრესიის გამოვლენის შესახებ. ამ ეტაპზე რუსეთში მდებარე ბრიტანეთის საელჩოში არანაირი განცხადება არ შესულა, თუმცა თქვენ უსაფრთხოების ზომებს უნდა მიჰყვეთ", - ნათქვამია რეკომენდაციაში.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები